成日都試唔同面膜，但最重要都係試得岩用！

繼上次試完櫻之戀面膜覺得幾好，今次要試下佢嘅朋友－潤之戀。佢地同樣都係戀之系列面膜，而「潤之戀」，一睇個Brand Name就知係好潤好保濕。一係唔試，要試就試最潤個隻！極緻玻尿酸原液面膜。

大家都會好混亂，玻尿酸？透明質酸？

好似市面上有太多呢類成份嘅面膜，但其實佢地都係Hyaluronic Acid，一樣係達致肌膚保濕嘅成份，只不過係有唔同嘅名去演譯姐。而玻尿酸係可以改善同修復乾燥膚質，岩曬我呢啲乾到會鼻頭甩皮嘅肌膚，一定要定期敷下Mask修護下。

而好特別呢個面膜係有個水解玻尿酸成份，據說就算經過水洗，肌膚都可以維持好好嘅保濕效果。呢一點幾好！因為我平時敷面敷都會過一過水，自己都覺得好似好曬野哈哈。不過相信唔少女仔都唔鍾意敷完面膜漿住漿住痴立立嘅感覺（I’m Not Alone ）所以我每次都一定會過咗水再搽返基本SkinCare鎖返水。
-

因為呢一款面膜標榜極緻保濕，所以今次都決意做返個水份測試睇下係咪咁西利先？

係敷面膜前度一度，水份得38%，係最近相對濕度咁唔穩定下黎講都算係咁啦～
（自我安慰中，因為之前秋季度過得唔夠20%乾到傻-_-）

係敷完面膜第二日訓醒起身又再度下水油比例，自己Feel到明顯係比起前一晚水潤咗好多，數字都睇到係升咗成倍啊！所以今次嘅保濕效果都幾滿意！

不過值得一提，潤之戀面膜質料係比櫻之戀厚少少，啲面膜精華都會Rich啲，油肌嘅朋友就要注意一下，睇下合唔合適自己。相反，我呢啲乾到爆嘅女仔就岩岩好，但係都唔太建議日日敷啊。「潤之戀」面膜有少少係急救大法個種，想Keep住日日敷又唔令肌膚補到爆瘡，可以考慮返清爽一啲嘅「櫻之戀」系列。

-
講起習慣，我每個星期 At Least都會敷到一次面膜，因為平時都有擠下黑頭啦，而深層清潔完嘅即時動作，一定要修護返啲毛孔。特別係乾燥季節，唔好好修護同保養，皮膚係會明顯差咗同無咁白滑，所以面敷一定要列入Routine嘅護膚程序當中！！

-
____________________________

潤之戀－極緻玻尿酸原液面膜
銷售點:千色citistore 、天使、Wishh!、HKTV
售價: $58盒/ 10片
Facebook: www.facebook.com/skincareoflove

成功發佈