今日嚟開呢邊做嘢，所以喺呢邊搵埋餐廳食飯。見到呢間舖個裝修都幾chill，所以就入去試吓。 原來佢呢度主打手工啤，不過因為揸車嘅關係我哋就冇試啦。 而佢呢度另外出名嘅仲有熱石牛扒，一般食石板牛嘅地方都係日式餐廳，反而少啲喺西式餐廳會食到。佢個牛扒上嚟嘅時候係三成熟，你可以按照自己嘅需要將佢煎到你自己想要嘅程度 我哋今晚試咗佢個牛板鍵，雖然有少少筋，但係我都覺得超級林，就算我手殘煎耐左都唔會好硬，仍然都好Juicy。 佢跟嚟嘅粗鹽同埋紅酒汁都好好味，因為本身啲牛都好好味再加埋啲汁係錦上添花。 佢個set仲跟咗個沙律同薯角，因為我自己鍾意食蕃薯條多啲，所以就要求佢轉咗做番薯條。因為返薯條食落甜甜地，外脆內軟，好好味。而佢個沙律係跟西式嗰隻黑醋，都好夠酸，加埋啲新鮮嘅沙律菜都好唔錯㗎。 我哋仲另外叫咗佢個香茅雞翼，一拎上嚟已經好香香茅味。 咬落都食到好香濃嘅玫瑰酒味，因為佢有攞酒醃過，所以啲雞肉特別嫩滑，最重要嘅係佢唔會好厚粉。 另外我哋仲額外叫咗個紅酒汁牛肉粒，佢個牛肉粒牛味好重，雖然係全熟但係都好林，值得一提嘅係佢個紅酒汁真係好好味，同佢講牛肉真係好夾味。LG Taproom地址: 西環堅尼地城爹核士街11號浚峯地下7號舖
