呢間一人鍋一直都想試好耐，今晚終於可以一試。 第一次食都唔係好理解佢個玩法，淨係知得一個$168套餐。個餐包左一大兜菜，一份免治肉，一份肉類，同埋一個湯底。 如果加咗$48仲可以任飲任食佢哋嘅沙律吧。不過因為我自己唔係好鍾意食沙律，所以就冇加到。 而佢啲飲品其實都好多選擇，有唔同嘅果茶，絕對唔係啲汽水機嘅行貨。 而佢個醬汁吧又好特別，好多款已經調校好嘅醬汁俾你揀，例如椰子芫荽汁，韭菜醬油呢啲。 我自己揀咗個骨膠原湯，配明太子芝士免治雞肉，個肉我就upgrade咗做牛小排。個免治雞肉做得都幾滑，但就唔係好食到明太子嘅味道。依個牛小排都好林，油脂分布均勻，都有少少牛味，確實唔錯 而我覺得最有驚喜嘅係佢個骨膠原湯，放咗一陣已經起膠，我最鍾意食到個嘴唇笠次次嘅呢種骨膠原感覺。而其實佢個湯已經好夠味，所以完全唔需要點醬油。。 男朋友就揀咗佢個辛辣湯，配辛辣免治雞肉，果肉同樣都upgrade咗，但佢就揀咗牛肩肉。呢個雖然叫做辛辣湯，但係唔會好辣，只係味道比較鹹。佢個牛肩肉每一片都好大片，切到好薄，又未比有小排更加濃，兩者相比之下我自己覺得牛肩肉更勝一籌。 另外我哋仲加錢叫咗一份豚肩肉同埋立魚片。個豬就唔太特別，但係個魚片就好鮮甜，放喺骨膠原湯入邊淥，特別正。 套餐入邊仲包左一大兜菜，雖然佢啲肉嘅份量好少，但係當你食埋呢兜菜其實已經好飽。真係均衡飲食多菜少肉。 最後套餐入邊我揀咗烏冬，呢個烏冬先至係精華所在，因為用一個超勁甜嘅骨膠原湯煮成。 男朋友就試咗佢個羽衣麵，我覺得佢似係博切嘅闊身烏冬，我自己都係比較鍾意傳統烏冬，因為好似索湯勁啲。 最後我見佢個甜品三合一都係$68咁抵，所以都係試吓。嗌咗個草莓布丁，雲呢拿雪糕同埋抹茶慕絲。佢個牛奶布丁底做得好滑，配埋草莓醬酸酸甜甜，都唔錯。👉🏼 美人鍋地址: 觀塘觀塘道418號創紀之城五期(apm)3樓L3-L13號舖
