食完晚餐，又點可以冇甜品。

甜牙牙喺自己朋友入邊，都算係無人不知。本身其實我冇食過，今日咁岩行過，所以就入去朝聖一下。

蜂蜜肉桂窩夫，佢啲窩夫係類似蜂巢形狀，視覺上幾過癮，食仲更加過癮。窩夫蜂蜜味非常濃郁，但又唔會好膩，軟硬度剛剛好，非常好味。而香蕉亦都係新鮮蕉，雲呢拿雪糕都好出色。

朱古力鬆餅，鬆餅口感鬆軟，唔會太過林，而且非常香。配上曲奇餅碎，同埋朱古力忌廉，真係飯後甜品首選。而棉花糖口感煙韌，表面有燒過，外脆內軟。朱古力雪糕唔係想像中咁甜，加埋棉花糖一齊食，成件事balance晒！

飯後甜品真係好邪惡，但做咗20幾年人，我都幾肯定冇辦法擺脫。值得再翻啅！

甜牙牙

地址: 旺角廣華街3號百利達廣場地下4號舖