🍰今日心血來潮，突然想食啲甜嘅令自己開心下，所以上網搵左呢間戚風蛋糕專門店。 🍓「盛莓藍蝶」，佢係以紅莓桑莓藍莓士多啤梨為主，蛋糕本身都有淡淡野莓香甜。切開中間先會有cream，但啲cream唔會好重奶油，唔會好膩。 🍊「日本柚子」，柚子嘅香味充斥着整個蛋糕， 因為蛋糕有少少柚子肉，清甜之餘帶點酸味，令你個感覺唔會好膩。 🍵「三色和茶」，我自己本身唔太喜歡抹茶，因為我覺得抹茶太苦。但點解我會揀呢一個蛋糕？因為我覺得佢搵埋三隻顏色好靚，同埋咁樣做應該比較考功夫。而當我食第一啖嘅時候，面頭嘅嗰一層抹茶竟然冇令我卻步，因為佢呢個係偏甜嘅抹茶cream，而因為佢係以茶為主，所以呢一個蛋糕比之前兩個會比較清。 😋三個蛋糕都好好食，最主要係因為佢個蛋糕整到好軟熟，而且唔會太甜。真係一試愛上，我會開始洗男朋友腦，叫佢生日再買俾我。因為佢呢度都有生日蛋糕可以訂，而且價錢其實同坊間嘅西餅店差唔多，但質素絕對差好遠。.🍮食完三件蛋糕，當然唔係就咁就完啦！因為其實我仲另外買咗兩個Bavarois。其實我原本唔知佢係咩嚟，以為只係普通啫喱類嘅甜品。其實佢係面頭係水果果凍，底下就係一啲慕絲，但係實淨啲。 🍋「檸檬芝士」，呢一個味道以酸為主，但呢一種酸中帶甜唔係唔會令你皺眉頭，反而係食完一啖好想食第二啖。而佢嘅芝士味道唔會太濃已蓋過檸檬本身嘅清新，所以都係好Fresh嘅感覺。 🍑「日本白桃」，一切開已經好香蜜桃味，整個都係好清甜，好好味。. . 👉🏼La Famille地址: 中環港景街1號國際金融中心商場3樓3098B號舖
