出面食既狗仔粉太林, 煮得耐, d粉仔又溶,好似食糊咁,我個人就唔係好鍾意。 上次整左豬油,又有豬油渣, 所以自已整個麥太狗仔粉! 我地屋企唔食菜甫, 所以我轉左用冬菜, 同埋我煮野唔落雞粉同味精, 如果大家鍾意既可以隨意加。 材料: 豬油渣1碗 大冬菇10隻(早一晚洗乾淨, 浸一晚水, 多d水都唔緊要) 靚蝦米半兩(洗乾淨, 切碎) 冬菜1湯匙 豬肉魚肉餅5兩(兩樣野拌好, 煎成一塊餅, 再切條) 粉: 銀針粉1斤 調味: 鹽1茶匙 糖半茶匙 胡椒粉1茶匙 豉油1湯匙 馬蹄粉 適量 起鑤: 豬油1湯匙 薑末1茶匙 蒜末1茶匙 乾蔥頭末1茶匙 拌吃: 切碎豬油渣 切碎冬菜 切碎蔥花 1) 用1湯匙豬油開鑊 2) 將薑末,蒜末,乾蔥頭末爆香 3) 落靚蝦米碎爆香(呢個時間香到不得了!!) 4) 落冬菇炒 5) 落埋豬油渣、豬肉魚肉條炒 6) 落晒浸冬菇的水(都好香) 7) 落調味, 中火煮5分鐘, 滾起就夠 (唔夠水加熱水,想幾稀幾杰自己決定) 8) 落銀針粉煮10分鐘入味 9) 按自己鍾意, 用馬蹄粉打獻 味道: 鮮甜味美
