香港或日本比較鍾意軟林林有彈性既麵包, 但歐洲人就鍾意外脆內軟既包, 配上不同果醬進食。 有一個食譜, 就係整傳統歐洲包, 不過好方便, 材料少, 亦免揉, 可以夜晚整好, 第朝回溫一焗就食得! 材料: 高筋粉350克 鹽 1.5茶匙 速發酵母 1.5茶匙 暖水300毫升 (手指接觸覺得暖暖地就得) 1) 將暖水50毫升與酵母混合, 放5-10分鐘左右 呢一個步驟相當重要, 曾經有一排我整親包都發唔起, 後尾先知酵母唔再active, 所以好影響品質。 如果5-10分鐘後酵母與水沒有起好多泡, 咁接下來既工作都唔駛做了,要再買過酵母先可以繼續。 2) 將高粉過篩, 與鹽拌好, 放入一個大樽/食物盒 3) 倒入50毫升酵母水, 攪拌一下 4) 分3次再倒入250毫升暖水, 慢慢攪拌至沒有粉/粒 5) 蓋上蓋就可以在室溫先發酵1小時, 1小時已經有很大變化 已經是1小時的效果。 6) 放進雪櫃, 開始低溫發酵! (12-24小時) 7) 14小時後, 拿出來看看 8) 對摺三次, 放到接近室溫狀態 放在已塗油的鍚紙上, 再用已塗油的保鮮紙保濕(幫佢做個mask) 9) 臨入爐前15分鐘, 預熱220度, 在麵團表面界出, 即係你想分多少份,就界幾多下, 因為焗完表面好硬好難切, 需要呢D直線幫手切, 你會發現易落力好多! 10) 220度25分鐘, 出爐了! 外脆內軟, 簡單健康! 最後建議, 麵圑整到長條, 即係好似法包咁最易熟, 我呢個有點圓, 中間難熟, 要等耐陣!
