今年5月再遊大阪~ 對上一次係道頓堀食蟹道樂, 整體都覺得幾好, 但無東京果次咁驚艷, 所以今次就試左杜小姐介紹果間- 蟹しぐれ, 咁就中伏了T.T 由於今次帶埋小朋友去旅行, 行程都比較鬆動, 同埋就番小朋友食飯時間, 所以一早已經book左7pm. 準時6:55pm去到, 叫晒d餐後(呢間有規定要按人頭來叫餐, 同埋全部人要食同一個餐, 蟹道樂無囉), 隔左10分鐘至話, 原來所有貴餐已經無晒, 灰爆=.=" 果陣, 我地已經飲緊可樂, 想轉場都唔好意思, 唯有平餐都照殺啦~ (之後, 有個普通話叻d的來同我地解釋, 由於貴餐中有一條魚唔夠貨, 所以貴餐只能留俾訂枱時已講明食貴餐的客人@@) 平餐又好, 貴餐又好, 其實d款式係差唔多的, 只係貴餐多2-3款野. 但我想講, 真係麻麻地囉, 雖然我唔係美食家, 但好食唔好食應該都分到瓜. 前面幾樣都一般般, 食唔飽呀, 諗住蟹粥差極有限(最多咪無味), 起碼食番1-2碗補數, 勢估唔到最後係食左一啖咁大把(咁大個人未試過連蟹粥都食唔落). 食完出來, 撞到d香港人又係埋完單, 齊齊等lift, 齊齊鬧爆. 我真係好後悔去食呢間野, 唔知係咪杜小姐介紹完, 太多人去食, 搞到質素差晒(成個場8成客都係講廣東話, 2成講普通話). Anyway, 無下次! PS: 每人食左300hkd, 好似無食過野咁, 最後係去左M記買餐返民宿.
