尋晚特登出旺角新世紀既Greyhound Café食晚餐， 見到最近Facebook同Instagram都成日會見到有朋友去食， 同埋薄切三文魚配泰式辣汁既相出現率極高... 就睇下係咪真係咁好味。 我地一早6點就到，可能因為時間太早，客人都唔多， 唔洗預約同等位就入得，不過有限時用餐時間1小時30分鐘。 二人就叫四人份量，叫左五樣野食， 當然唔少得每人必食既薄切三文魚配泰式辣汁， 果然冇令人失望，三文魚配泰式辣幾特別！ 有Ｄ似平時食生蝦配泰式辣汁咁 另外牛柳粒都值得一讚，牛柳粒配青瓜， 牛柳粒大約5成熟，一Ｄ都唔韌... 加埋青瓜一齊食，感覺冇咁膩。 至於香煎帶子同炸春卷我覺得不過不失，唔算特別， 早知道叫雞翼啦…>< 唯一我覺得蜆肉銀魚柳意粉真係麻麻地，蜆肉銀魚都還好.. 唯獨是意粉真係煮得硬左， 唔知係煮既時間問題定還是用既意粉牌子本來係咁， 但我個人黎講，雖然未必中意食好軟身既意粉， 但都希望係適中既軟度，而唔係硬身既意粉。 值得一讚既係侍應生都不停幫我地加水， 可能因為時間尚早客人唔多… 不過睇得出佢地人手係好足夠應付客人既流量。 食完晒野既時候，侍應生比左甜品menu我地… 可惜我睇唔岩，cake同朱古力心太軟太普通所以冇咩興趣係度食。 價錢方面，我地兩個人埋單食左5百幾蚊， 但食到牛柳粒、帶子、三文魚…所以都算合理。 整體黎講，呢間餐廳我會再去食既！ 所以意粉類下次就未必encore喇。
