最近朋友同事都問我用緊咩護膚品令皮膚同氣息都咁好 其實我係轉左底妝產品✌ 想打造透薄自然嘅底妝 誤導其他人你冇化妝但氣息皮膚超好 3樣底妝產品就夠 記住關鍵係你揀嘅底妝產品一定要夠貼服 切忌粉感重！ 為左同大家分享最真實嘅效果 今篇blog全部相都冇用filter 純粹用iPhone 7前鏡拍攝 為左等大家可以前後對比 我只化左半邊面 (P.S.冇蝴蝶結係頭哥邊臉係化左底妝) Step 1 瞬間提亮皮膚嘅素顏霜 話明偽素顏 素顏霜係不可缺少嘅第一歩 我就用開April Skin嘅素顏霜 搽哥一刻皮膚真係即刻超白超亮 過左一陣就比冇搽亮白 但就冇上完嘅超亮白神奇效果 有用開素顏霜嘅SIS就唔洗特登買April Skin嘅素顏霜啦 我係搽完一陣先影俾大家睇 所以只影到微微嘅提亮效果 Step 2 紫色調色霜 調色霜都推出左一排 我用嘅係本地品牌彩豐行最近推出嘅氣墊調色霜 貪佢係Made in HK同氣墊比較容易控制用量唔怕太重手 效果係去黃及遮黑眼圈 彩豐行氣墊紫色調色霜 $98連一個補充裝 最近買仲送馬油護唇蜜 買滿100蚊仲可以做埋會員 送張8折券一個月內用 Step 3 BB霜 由於紫色調色霜一搽完真係好白 建議上番自然透白嘅BB Cream 我用嘅係去年購自韓國SKIN FOOD 嘅冷凍BB霜 最適合夏天用 可以幫皮膚降溫同上得貼服啲 完成啦好似冇化妝咁 用左哥半邊臉變得自然透白 但唔係慘白 冇用遮瑕膏眼袋同黑眼圈都冇現形☺️☺️ P.S.由於我冇打燈或P圖 啲相就冇廣告或者YouTuber/Blogger影得咁白 感謝你閱讀全文。希望大家喜歡我的分享。如果你鐘意可以幫我share或者俾個like我。 ~~More about me~~ Instagram: missyoshiko Contact: wingyee_lau@hotmail.com/ Instagram direct chat
