單從食的角度出發， 中國還是有很多好食又有特色的菜， 今晚就係一個例子。 雞絲粉皮係港人最愛之一， 但好食出色的，卻可遇不可求。 呢個中上以上，雞絲夠曬足料， 粉厚身結實彈牙，個麻醬好好味。 美中不足係粉未夠凍 鮮椒雞翼尖。我未算食得辣， 呢個個辣度剛好，嗜辣不嗜辣的都啱食， 煮到好淋，雞翼尖本該如此。 但份量偏小，性價比不足。 紅葱頭雞（例），雞肉好滑，好香葱味， 而且大部分已經去骨， 生我好怕個啲紅色的血混雜肉之中。 其實好想食曬啲雞皮，但實在太邪惡了！ 痴心湯麵：餐牌寫推介，即管一嚐。 一碗麵有曬豬軟骨，牛月展同雲吞， 一次過滿足曬三個願望。 豬軟骨夠曬軟，牛月展超入味，帶浸牛的騷味； 可恨的係雲吞得一粒。 另外湯底湯厚，仲有好多花生碎， 撈埋啲麵一齊食，雙重口感。推介！ 加十蚊有埋燉湯，一打開， 一股好香的松茸已撲入鼻內， 而且過左好耐都仲出緊煙，冬天飲一流。 裡面仲有好多湯渣可以食添！十蚊雞勁抵飲:-) 肉燥滷蛋伴麵：睇都睇到個蛋黃超大， 挖少少撈落個麵到，加倍滋味。 要讚的係個麵質做得好好，好味:-) 炸慢頭，其實食呢個， 煉奶才是重點，你懂的啦:-) 整體呢個，係金百利呢個核心地段， 三百蚊唔係可以食到咁多野， 有服務之外， 地方又乾闊落真係可以該抵到一點呢， 仲要唔收加一添。 下次去銅羅灣，不妨去試一下痴心小麵啦！ ▲About 痴心小麵 Better Mian Address : 銅鑼灣記利佐治街1號金百利廣場8樓R1號舖 Address :Shop R1, 8/F, Island Beverley, 1 Great George Street, Causeway Bay Tel :2351 1323 Opening Hours: Mon-Sun: 11:30-23:00 ▲免責聲明 是次產品/產品資料由 品牌 提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。 ▲Contact me @ E-mail luvyan1314@yahoo.com.hk @ FACEBOOK https://www.facebook.com/yanezgarden
