築地市場為人熟悉 不過市場咁大，都唔知食邊間好 入面大概分兩種，魚生飯和壽司。 （還有第3種嗎？） 壽司大概有「壽司大」和「大和壽司」 而魚生飯今次介紹的就係「大江戶」 築地攻略一：築地係要早黎，而且無論去到有幾早，食完野先慢慢行 首先，我去到個時8點幾，見冇咩人排隊，又冇理由咁早食飯架嘛 所以諗住行下先，一陣先番黎 點知行完一個圈，人龍已經開始係DOUBLE 個時已經知道太遲，在大熱天時排了大半小時 其實那一條巷仔，每一間都超級多人 所以你一過十點先到，等大半小時以上都只是基本 建議大家有幾早到得幾早到！ 然後我們都是等這一間，店員都識普通話的 而你說由香港來的話，他就會跟他說佢識JACKY CHAN （幹麼只想起成龍的呢？） 而且店外放有雨傘，也不怕日曬雨淋啦，十分照顧周到！ 店的日本婆婆也很親切的說 要拜託她拍照都可以的呢 由於在外面排隊時店員也會問你食咩，所以一坐低數十秒就食野食 點餐時點點圖就可以了 感動位是，在外面曨了大半小時 入到去能飲一杯冰凍的麥茶，很幸福呢 然後食完飯可以追加刺身，和其他食物的！直接跟料理枱的師傅講就可以了 築地攻略二：食完就好走人 店入面的坐位不多，所以都係預你食完立即走 食完埋單走人，要傾計其實都唔係唔得 不過係唔會有人趕你走， 只不過門外等緊的客人會眼超超姐 ... 所以都不好意思坐咁耐了 最後 ... 築地攻略三：不要食太飽，因為市場還有好多不同的美食（玉子燒！） D野好食，就一定會繼續不停「追加」 不得不說，大江戶的帆立貝刺身真係超級好食 400YEN有兩大粒，而且味道係甜的 ... 所以在大江戶由於食得太飽，其他的小店只能經過當食左 ... （淚）
