最近去咗幾次越南，之後就開始多人問點樣申請簽證，煩唔煩？耐唔耐？ 貴唔貴？ 由於網上有好多唔同方法，所以等我黎個簡易教學。 通常申請簽證兩種渠道：領事館辦理 或 網上簽證。 我介紹大家用落地簽證(我眼中用最快最抵的Visa) >> Step 1: 上網填資料 我去兩次都係用呢個中介網站 : http://vietnamvisapro.com/ 入到去填曬所有個人資料，之後用Credit Card比錢（USD$10 / ~ HKD$78) 。 *最好訂好機票先，因為要提供Flight No >> Step 2 : 列印 Email附件 2日後會收到對方Send黎既Confirmation Letter，附件有Pdf檔，可以打開檢查自己個人資料，以及一份Entry and Exit Form，2份都要列印。(如果收唔到再檢查一下Spam Mail。) >> Step 3 : 上機前檢查所需資料 a. Email Confirmation 確認信 (PDF 附件) b. 已填好的Entry and Exit form c. 1-2張證件相 d. USD$25 通常地勤人員都會係你Check-in時先作檢查，落地後，將以上資料交去辦事處 （Immigration隔離），大概5-10 分鐘就可以準備出去食Pho喇！ 總花費: USD$10+USD$25= HKD$271 總需時：2天 據聞在香港領事館辦理最少需要近HKD$700- HKD＄1500 ，覺得落地簽證又方便又快，連交通費都可以慳埋！ 不過如果你覺得安全至上，可以考慮去灣仔越南駐港澳總領事館 -地址：香港灣仔道230號佳誠大廈15樓 -開放時間：星期一（09:30-13:00，14:30-17:30）、星期二至五（09:00-13:00，14:30-17:30） -所需工作天：即日或三個工作天
