來到第三日 換左另一間近海雲台嘅酒店 Industrie商務酒店 (Industrie business hotel) (Source: Agoda) 地址: 16, Gunam-ro, 24beon-gil, Haeundae-gu (542-28 U-dong,Haeundae-gu), 海雲台區, 釜山 酒店訂房: https://www.agoda.com/zh-hk/industrie-business-hotel/hotel/busan-kr.html?cid=-142 這間酒店位置都算近海雲台站 大約行5分鐘左右 而且就係伍班長燒肉隔離 行去海雲台沙灘都係15分鐘左右 沿途海風吹來 非常舒服 仲有好多食野嘅舖頭 同埋攤位 好寫意啊~ 一路行到海邊 天氣好好 好舒服 六月海邊已經好多人啊~ 返去酒店之前 去左食釜山有名嘅古來思魚糕 這裡可以堂食 亦都可以買包裝好嘅魚糕猜返香港啊 ! 堂食嘅話就係比較自助型式嘅 夾左自己想要嘅款式 就先俾錢 然後自己叮熱來食 (最左邊果個夾左芝士嘅天婦羅魚糕非常推介) 第四日仲會有去海雲台周邊景點嘅行程啊~ 不過如果大家問我值唔值係海雲台區留一晚嘅話 我會覺得唔係好需要嘅 哈哈 因為釜山嘅交通都算方便 又唔需要花好多時間 但係大家如果住望到海景嘅酒店又唔同講法~ 如果下次再去 我一定會選擇海景酒店 享受下個景觀 !
