自駕遊資料詳情 http://www.lovelovelings.com/#!blank-5/p1fkz 黎日本都可以親親大自然，藍天+白雲+花+動物 ~ 粒粒玲子一向喜歡有花海既地方，早在年前已經有意來呢度睇花，但短道呢次來大分縣，行程中無呢個地方，所以粒粒玲子就胆粗粗向三浦先生提出呢個建議，而三浦先生更毫不猶豫地答應了。 Kujūhana Park くじゅう花公園 (久住花公園) 〒878-0201 大分県竹田市久住町大字久住4050 電話: 0974-76-1422 http://www.hanakoen.com/ 這裡不同季節有不同既花海，規劃得像童話世界一樣 ~ 每間小賣店都佈置得好精緻啊~ 呢個花園位於山上，面積都算大，入到去既感覺非常舒服開揚。除此之外，仲有好多手信可以買，大部分都係食得既野。 粒粒玲子就買咗一抽超抵食新鮮巨峰提子(如兵兵球大)在自駕路途上慢慢嘆！不過要留意呢度店舖好多無得使用信用卡，只收現金 睇完花花就到動物喇，2樣都係玲子既至愛！起初以為只是一般的動物園，但來到之後原來可以自駕進入公園睇動物，感到好鬼興奮。入園買票時可以選擇3款語言(日、英、普通話)既導航DVD機，協助你了解園內動物。當然，若不選擇自駕入圜，可乘坐公園巴士入內近距離睇動物，更可餵飼佢地，不過收費會貴d啊。 不過要緊記自駕入園時，切勿下車，切勿餵飼動物，關好車窗及鎖好車門。 九州自然動物公園 African Safari 大分県宇佐市安心院町南畑2-1755-1 〒872-0722 電話：0978(48)2331 http://www.africansafari.co.jp/ 沒有任何剪接及拍攝技術，只是想單純的分享旅程中看到的動物，這裡規劃得很好啊~ https://www.youtube.com/watch?v=y_i98tmGI70 去完動物園後，粒粒玲子就駕車去別府喇。到咗之後，就由三浦先生帶路去食LUNCH，因為呢間意大利餐廳幾隱蔽架，就在柳屋旅館旁邊。 Otto e sette(柳屋) 'Kannawa Onsen'IDA 2, 〒874-0043大分県別府市鉄輪井田2組 鉄輪銀座通り 電話: 0977-66-4411 / 977-66-4415 http://www.ottoesetteoita.com/ 呢度係屬意大利菜，配新派煮法，食材又新鮮，以LUNCH 一個套餐計，頭盤(意大利粉)+主菜(魚/雞肉)+甜品(雪榚)+餐茶，粒粒玲子就認為抵食，若果要食DINNER既話，價錢就相對地貴番D喇，可以參考佢地網址。http://www.ottoesetteoita.com/ Lunch之後就黎到海洋館，都係以為一般既海洋館，但有不同之處，呢度可以近距離親親海洋動物架。 Aquarium sea egg 大分マリーンパレス水族館うみたまご 〒870-0802 大分県大分市大字神崎字ウト3078−22 電話: 097-534-1010 営業時間 AM9:00~PM6:00 https://www.umitamago.jp/ 圖中既海豚與人玩緊係真架，海豚在水中頂個波出去，撩人同佢玩，當有人拋番個波俾佢，佢會一口咬住，氹得全場都好開心 呢度有一個人工沙灘，可以俾人親親海豚架，不過遊客們要自律啊，唔好餵飼及傷害佢地。 來到最後一晚，玲子就非常喜歡呢間旅館，原因係旅館貼近沙灘，房間有一個大窗，望到沙灘大海，係玲子夢寐以求退休既住屋，頂層亦有一個小型露天溫泉。 悠彩之宿 望海 (別府市) 〒874-0920 大分県別府市北浜3-8-7 電話: 0977-22-1241 http://www.bokai.jp/ 粒粒玲子見天色還早，所以去附近行吓，呢度一帶都有2-3個小型MALL，有超級市場。 行完街之後，就返旅館享受一頓超豐富既晚餐，飽到暈呢。 第2朝早上望住咁靚既景色食早餐，真是賞心樂事。 【以上文章轉載自http://lovelovelings.blogspot.hk/2016/08/oita3.html】 粒粒玲子 簡介： 曾遊歷29個國家，162個城市，以1,250,000里數，兌換38套機票；盼望透過不同媒體與大家分享更有效賺取最多飛行里數的方法、靈活兌換豐富航點的機票及分享各地旅遊資訊。 一起從日常生活消費中，實現環遊世界的夢想啊^^ 粒粒玲子facebook：https://www.facebook.com/lovelovelingstravelmiles 粒粒玲子Blogger：http://lovelovelings.blogspot.hk 粒粒玲子官方網頁：http://www.lovelovelings.com 合作聯絡:lovelovelings@yahoo.com
