儲里數要成功一定唔可以睇少你既消費習慣，玲子每次買野時都會 <停一停、諗一諗>如非必要一定唔用現金！依家買麵包買報紙都可以用八達通，每一個都係賺取里數既機會，最近比玲子搵度間文具舖可以用八達通，行遠多一條街都無問題！所以我覺得自己儲里數已經成病態 無辦法喇，人工唔高又鐘意去旅行，慳咗條機票錢真係鬆動好多 ~ 粒粒玲子曾兌換過以下機票 1.香港 ~ 台北 ~ 高雄 ~ 香港 > 15,000里 抵用里數兌換機票航點 1,5000里 ~ 台灣篇 http://lovelovelings.blogspot.hk/2013/09/15000.html 2. 香港 ~ 昆明 ~ 麗江 ~ 昆明 ~ 香港 > 20,000里 抵用里數兌換機票航點 20,000里 ~ 亞洲篇 http://lovelovelings.blogspot.hk/2013/09/20000.html 3. 香港 ~ 東京 ~ 青森 ~ 東京 ~ 香港 > 30000里 抵用里數兌換機票航點 30,000里 ~ 亞洲篇 http://lovelovelings.blogspot.hk/2013/09/30000.html 4. 香港 ~ 倫敦 ~雅典 ~ 倫敦 ~ 香港 >60,000里 抵用里數兌換機票航點 60,000里 ~ 歐洲篇 http://lovelovelings.blogspot.hk/2013/09/60000.html 慳慳地條機票錢都夠成個trip用 ~ I love Asiamiles 儲得一分得一分 1. 請申請 DBS Black Card 、富邦白金/Titanium咭、Citibank PremierMiles Card、Citibank Rewards咭及HSBC咭 詳情請看 飛行里數信用卡組合~進取版(粒粒玲子組合) http://lovelovelings.blogspot.hk/2014/01/blog-post.html 2. 先save底Citibank Rewards咭有5倍積分獎賞指定商戶，盡量先用這些商戶，不可以用信用咭時就用八達通(請預先登記用Citibank PremierMiles Card為自動增值)！星期六、日每滿HK$600就用富邦信用咭！大機構一般用信用咭唔會額外收charge，所以購物時盡量搵大機構或大集團啊 ~最後唔符合以上條件的，就用 DBS Black Card 找數喇~ 3. 網上購物如買電影票或到康體通book場打波可以用DBS Black Card 比其他咭著數！另外，除現金透支、外幣兌換、稅單等賬項；一般可以係繳費靈PPS交既賬單，亦請於星期六、日每滿HK$300以富邦信用咭找數，富邦銀行提供網上繳付賬單服務，電話費、上網費、收費電視、管理費、水費、電費、煤氣費、學費、保險費用等都可以賺取HK $6 = 12 積分 (1里數)！ 4. 八達通自動增值請用Citibank PremierMiles Card；因八達通自動增值用 Citibank可以賺取HK $8 = 12 積分 (1里數) 5. 賬單自動轉帳可用 DBS Black Card，如之前所提及既電費、電話費、水費等等賬單你可選擇以自動轉帳繳交，可以賺取HK $6 = 1里數。如不能自動轉帳就用富邦銀行提供網上繳付賬單吧~ 6. 登記成為「易賞錢」會員，並於參與之零售商店(百佳超級市場、International、Taste、GOURMET、fusion、great、便利佳、豐澤、屈臣氏及Marionnaud)消費，即可賺取「易賞錢」積分並兌換為 「亞洲萬里通」 里數。 7. 食飯就會用HSBC信用咭，記住「最紅自主獎賞」全數登記為~賞滋味呀~ 由原本的HK$250 = $1獎賞錢 = 15里 會變成「最紅自主奬賞」 HK$250 x 6/250=$6「奬賞錢」= 90里(即每HK$2.7 = 1里) 另外，請隨時帶備亞洲萬里通會員咭或APPS的電子會員咭，玲子試過去到餐廳想儲里數，但因無帶會員咭而不受理，玲子已努力同餐廳理論，提供會員號碼及身份証作証明，最後都係唔成功，所以記住帶咭呀！ 試試簡單計算一個月既里數 一個月指定商戶簽帳約HK$3,000 (1,000里) 一個月其他商戶簽帳約HK$3,000 ~ HK$5,000 (833里) 自動轉帳電費、雜費等約 HK$2,000 ~ HK$3,000 (500里) 八達通自動增值 HK$1,000 ~ HK$1,500 (187里) 月繳保險費約 HK$1,000 (166里) 易賞錢及 Esso Smiles (500里) 食店簽賬約 HK$1,000 ~ HK$2,000 (740里) 一個月大約有4,000里，呢個只係保守估計既數目，如果出埋附屬咭比家人，賺取機會又多一倍，另外信用咭公司好多時會有PROMOTION，賺取機會就更多！ 重點係本來玲子都要付出以上既洗費，但每個月就額外免費儲倒飛行里數，諗起都開心，為粒粒玲子下一個目標繼續努力！！！ 【以上文章轉載自http://lovelovelings.blogspot.hk/2013/09/blog-post_5838.html】
