我的旅行生涯源於Year3 粗略估計有4年 艷遇次數話多唔多 但都有少少 首先你要介定甚麼是艷遇 主動搵你傾計？身體接觸 （即係普遍認為的抽水，湝油）？A KISS（OR KISSES）？上床？定有下文（我的意思是可以發展成穩定的情侶）？ 基本上唔使去旅行 你都可以遇到 但當你遠離自己既COMFORT ZONE 你會做好多平時唔敢做的事 不需要理人點睇 所以更加容易有人埋身 anyway 我跟你說 只要你是獨遊女子就100%會遇到 （OK 起碼對我來說是真的 而我從來未去過夜店） 係我經驗中 坦白說 有“艷遇”的旅行開心多了！不要心邪！ 普遍黎講除非你極度極度不幸，如果唔係一般男性都會徵詢女仕們的意願先有所行動 而且如果你無興趣 就當識多一個朋友 P.S. 當然如果你有 signal 對手都無謂問 PP.S. 一般身體接觸 （即係普遍認為的抽水，湝油）係男仕試探你有無興趣的方法 ＋西方習慣 所以都係不會問 所謂有“艷遇”的旅行開心多係因為會有好多你平時不會遇到的經驗 如果係當地人 他會帶你去一個只有當地人才會到的地方看日落 如果同為旅客 你地會一齊去發掘一個連當地人都不會去的地方看日出 分享一兩個小經驗 (個人認為不全是艷遇） 當時我一個人在土耳其，早上看完EFES遺跡，等晚上8PM overnight bus 到 Cappadocia 就到Selcuk附近的一個小鎮閒逛 路經一間咖啡小店 老闆係一對表兄弟 他們誠邀我進去 請我飲紅茶（土耳其一款好常見的茶 常見程度等同水）之後還教我土耳其咖啡做法 當然有請我飲咖啡同當地好出名既水果酒 （後來我發現在旅行中經常遇到的日本妹妹都有被邀請 不過她沒有我以下經驗）言談間得知表哥係美國讀書 所以英文好好 之後問我有冇去過隔離個數學城 話每年全國都有好多數學學者／學生來 閉關幾個月鑽研數學 仲話那裏看日落好靚 問我去唔去 我話一個小時後我要趕尾班車番Selcuk 佢話我當晚可以借宿一宵 唔使急住走 咁我即時婉拒 後來佢保證可以趕到尾班車 之後我就跟左佢去 by the way 那個小鎮坐位於山上 附近除左15分鐘車程外的Selcuk ＆ 那個數學城就只有樹 唔好問我點解 我自己都不知那裹來的勇氣（當時第一次獨遊) 上了他的電單車 攀過高高低低的山路 到了一個了無人煙的大樹下看日落（途中的確有見過數學城）真係俾人熔左都無仇報 如果他是一個變態佬／殺人狂 我就客死異鄉 我偷影了他＝P 當時是3月 土耳其仍然好涷 加上在郊區 再加上當時日落時份 再再加上電單車上真是好X湅 於是他借左他身上件Jacket 俾我 因為當時太涷＆太震 我係電單車上都有摟住佢條腰 之後我地係大樹下坐低 他見我好涷 於是就捉住我對手 幫我保暖 然後又講下他子時候係點 他還說小時候常來那棵樹玩 在這麼浪漫情怳下 他深情望住我 問Can You Kiss Me？ 嘩！心諗都知無咁好死 我話NO 然後擰開個頭 如是者 Loop左幾次 我拒絕左幾次之後 佢都送我回小鎮塔車 雖然好似有少少危險 但係如果無去到就不會見到不同的風景 第二件事是發生在印尼 當時我和一個男性朋友（絕對普通個隻）看完Ijen 的Blue fire 和 Bromo 就塔10小時小巴到Yogyakarta 參觀Borobudur Temple 在車上我認識了一個法國人 他17歲（or19 我忘記了）時就離開法國 曾經在中國住了3年學詠春 又去了泰國打了兩年職業泰拳 再到了澳洲Working Holiday 於是成程車就Non stop 傾計 到食晚飯時我和車上另一個瑞士弟弟言談甚歡 然後發覝他黑面 點知上到車佢就拖住我隻手 我果時Single又覺得無所謂 所以就Kiss ummmm 顧名思議係French Kiss（表面意思＆實際意思都是） 之後佢就攬住我係車到瞓 到了Yogyakarta後 因為我同朋友book了hotel 他就和瑞士妹妹弟弟就搵Hostel住 於是就分別了 亦無交換contact 點知我同朋友搵搵下出番大路 發現他都正在尋找我 那時真係覺得有一個人在大街中找你是一件很浪漫的事 於是我們相約第二天一起遊玩 他揸電單車帶我去郊區遠眺Bromo 可惜當天天陰陰 能見度太低 佢有些失望話： we go here for nothing 我當時一定係比荷爾蒙沖昏了頭腦 我竟然答：we go here just for a kiss Well then we kissed 之後我們一同去了一個好偏遠的地方 真的far far away 我轉了4次車用了6個小時由Yogyakarta去那裏看日出 火山 那裏除了我們只有少於5個外國人 其餘全部當地人 旅程完結後 我都有去法國探他 不過都是後話 但如果不是他們 我不會有不一樣的經驗 If you obey all the rules you miss all the fun P.S.要數到發生艷遇頻率最高的地方一定要數土耳其 我去了10天就遇到起碼10個 如果同志有興趣可以先到土耳其小試牛刀
