北韓行程 Day 1 香港→上海→瀋陽→丹東 好早機…3:30am出發！！搭通宵巴士去機場，先飛去上海再轉機去瀋陽。今次帶咗九把刀既《功夫》去睇，平日無乜時間睇書。去到瀋陽出番市區(約6pm)後諗住買火車飛去丹東，點知班火車取消咗….. 呆了….咩話..取消咗..咁即係要搵大巴..點知大巴又轉咗巴士站…心知不妙，知道應該趕唔切(最後一班係7pm)..無曬公共交通工具去…問路之下試試搭泥鯭的.. RMB$200/人..等夠人就開車..等到10:30pm都無人返丹東..原來前一日打風….咁唯有自己飛的過去.. 最終同司機compromise咗RMB$400開車，當我2個人咁..當然唔敢瞓..途中又有人上落車咁..凌晨3am到! 成24小時先到..因為的士錢好貴..司機幫手搵咗間劏房…其實係棺材房..得張床…RMB$20 @@...即係平日返工見到街坊住o個啲…我好彩既只係瞓4個鐘..雖然係4個鐘..但深深感受到..好無安全感，啲聲好通..如果長期住，真係唔會點plan自己既生活..無將來既感覺.. Day 2 丹東→新義州 (Sinujiu)→平壤 (Pyongyang) 7:30am就要去到旅行社集合，放低曬電話 (所有通訊device不能帶入境)，就準備出境，過關後搭車由中國邊境搭車經過鴨綠江既『中朝友誼橋』，到達北韓新義州! 8個人一格火車，沿途講明唔可以影相同掉食物出窗外。由新義州去到平壤火車大概要4-5小時，班次唔係好準，行下停下咁，火車12noon開車，5:45pm先到!一落火車就有旅遊巴接送去羊國島國際酒店 (Yang Gak Do International Hotel)。 中朝友誼橋，過咗去就係北韓！ 火車 沿途風景，靚 火車入面 第一眼既北韓 酒店 tour guide話大家都攰，今晚抖抖先，聽日先正式行程！佢地話唔駛擔心，點都會去曬所有景點。所以夜晚都係o係酒店晚飯。酒店當然唔會話勁勁勁靚，但都好ok (以當地水平，似係三四星酒店吧，絕對乾淨)。晚飯好好食呀，北韓酒都唔錯，淡淡的。食完飯行下對面既souvenir shop，買到national flag pin！去旅行必買~仲要唱到朝鮮幣！！！係咁話用黎做souvenir先比你買！ 北韓酒，好飲喎 Day 3平壤(Pyongyang) (板門店共同警備區、停戰談判會議場、停戰協定簽字場、軍事分界線、板門閣、高麗博物館、戰艦、地鐵、萬景台) 都係好例牌既景點，特別先擺相出黎啦..不過一諗起對就係南韓..兩邊真係好唔同..(但上次南韓旅行趕唔切去板門店呀，下次去先！) 兩邊軍人都好嚴肅…有啲驚.. 對面就係南韓喇... 好多閉路電視.... 好似Running Man 既 Kang Gary.. 哈哈 聽聞呢啲係美國遊客...好多人爭住同軍人影相同握手架，哈.. tour guide 崔春小姐 地鐵：話係全世界最深既地鐵，深入地下100米，係幾涼架。全個朝鮮地鐵系統係得兩條線，共有17個站！哈..我地只係「被安排」搭一個站！爭取時間睇下影下相。研究唔到點買飛同入閘.. 點擊圖片放大 真係涼涼地 點擊圖片放大 +3 重點係北韓旅遊必看節目「阿里郎」！「阿里郎」呢個名又點解呢？ 等下一篇啦~ TO BE CONTINUED....haha
