2012/08/29-2012/09/03 (6日5 夜)

小妹今次旅行輪到去北韓喇！想去好耐，係時候去喇！

北韓係世上最後一個奉行社會主義兼完全封閉既國家，景點唔算話好特別好靚，但勝在感受下神秘氣氛！其實佢地都唔會比你走黎走去，所以所有行程都只會覆蓋幾個地方─ 新義州 (Sinujiu)、首都平壤 (Pyongyang)同南浦 (Nampo)。

點解揀北韓？

想佢未開放前跟團去一次，繼續期待可以自由行既一日！希望有生之年可以做到啦

點搵北韓資料？

去北韓點都要跟團，無得自由行，我都好耐無跟過團！我就揀咗丹東金華國際旅行社(http://www.ddcts.com)。香港既朋友可以以email book tour，比曬啲資料旅行社做北韓旅遊團體簽證，聽團友講可額外比RMB$200做個人簽證，即係passport有個北韓入境chop！正！我下次去都要整~影唔影響去美國同中東都知喇XP。去到出發o個日先比錢，事前係完全唔駛比錢。網頁入面有幾種tours，主要分搭飛機、搭火車定係day tour。入面話曬比你知去邊，我揀咗路線A「妙香山四日遊」！

去到個個都係叫個國家做朝鮮，唔係北韓架！

去北韓好危險？

核危機？打仗？咁其實佢地都要賺旅遊業既錢，同埋佢地要話比人聽佢地係一個幾咁好既國家，所以係offer the best to tourists，食好住好，tour guide又好擔心你同當地人講野，所以會好多人睇住你…完全唔駛擔心安全問題。

另外，過關時入境人員會要求你打開曬啲行李檢查，留意所有書係一定要拎出黎比導遊去另一邊檢查。關於美國既所有野..都係唔好帶穩陣啲喇..

去北韓要洗幾錢？

用咗大概HKD$10,000，其實唔算平架，但旅行好多時只會越來越貴，所以都值得去妙香山四日遊團費連阿里郎表演入場費：RMB$4,740 (阿里郎都成千蚊！)

機票 (香港→上海→瀋陽來回)：約HKD$2,800

的士 (瀋陽→丹東)：RMB$400

火車(丹東→瀋陽)：RMB$42

去北韓幾多人去:

朋友們無人有興趣囉…………..又黎solo! wakaka…

個團就有廿幾人，同一位越南女士share房

北韓貨幣/時差：

主要用人民幣(RMB)就得架喇，匯率係xxx

自己貪得意唱咗朝鮮幣，酒店匯率係，而黑市係…………..差好遠..囉….. - -“ 其實佢地既生活指數唔算太高啦。有啲唱咗做紀念！時差1小時。

去北韓既交通：

旅行社o係丹東..通常係去瀋陽，一係去大連，我揀咗瀋陽，好似近啲，飛機時間好少少，但都係無直機，所以經上海轉機，揀咗中國東方航空 (China Eastern Airlines) (http://hk.ceair.com) 。去到瀋陽可以搭大巴或火車，點知火車取消咗…………..所以搭咗泥鯭的@@ 去到丹東都要成4小時。

行程係點。。。TO BE CONTINUED....

成功發佈