Aloha！多謝大家睇小思子嘅blog＾＿＾。抱歉上幾個禮拜都忙緊，嚟緊依幾個禮拜都會密d出新 post！（當然係新旅遊地點，不是大阪了喔！） Day Three❤️ 小思子今日要好早就起身，9點鐘就要由心齋橋出發到京都轉巴士搭去清水寺著和服！ 基本上所有女性著住咁靚嘅和服係清水寺度影下相，食下野，行行逛逛都可以花上一整日嘅時間！ 究竟有咩咁好影？？等我比d證據你地睇下啦！ 點擊圖片放大 點擊圖片放大 睇完係咪都覺得果然有山有水有風景呢？ 雖然係人多，不過都可以影到好多唯美嘅相。小思子當然不忘post相上ig呃like啦！ 除此之外，仲有豆腐饅頭，同周邊街道嘅商鋪～ 點擊圖片放大 +2 大家千其唔好以為豆腐饅頭入面有豆腐，其實佢同菠蘿包無菠蘿一樣，豆腐饅頭入面係d類似紅蘿蔔碎＋豆蓉，味道甜甜的，幾好！香軟得嚟又有清香清淡嘅甜，有日本風味！ 小思子同大家講，當我攞住盤野，有幾個途人以為我係幫間食店宣傳，差d想嚟攞走我買返嚟個包試食！好彩。。。。我食得快。。嘻嘻 今晚就貪方便，食係道頓崛嘅磯丸水產！ 由於實在餓左成日，又做左一日model，正所謂：「再鋒利嘅刀都有生鏽嘅一日，更何況係人？」小思子都好肚餓，所以照片只有一張咯>< Day Four❤️ 呵呵呵！重頭戲嚟啦！！！今日就去左大阪嘅環球影城－－Japan Universial Studiooo 當你以為自已8點45分等9點半入場已經好早到嘅時候 ，其實仲有千千萬萬個早到過你嘅痴線佬。。。 場面壯觀，開閘果刻我以為放狗，d人衝啊衝，衝去邊？ 梗係去Harry Potter個霍格華茲啦！好彩小思子跑得兩野，等大概40分鐘就入到去，如果唔係排到佛誕都未到你！ 之後又有玩Spider-Man！排約15分鐘度～ 入到去一班人坐車去睇4D都幾有趣，幾迫真 除左玩，小思子一場嚟到梗係要買返d手信，紀念品比自己同friend子啦嘻嘻 由於 universial studio人數眾多，小思子事前先向旅行社買左4張快證express，到時候排隊唔洗排咁耐，省返唔少時間～ 例如玩 逆轉世界－－姐係退後行嘅過山車嚟講，本身要排5個鐘，express可以排30分鐘－1個鐘！大讚！！ 特別遊戲推薦！！！「飛天翼龍」係小思子大愛！趴係度玩，俯瞰遊樂園嘅刺激感！依家諗返起都覺得爽爽der～❤️（位於 Dinosaur Zone） 最後就同埋搞笑minion，女士們，小朋友們大愛嘅小小兵一齊玩水咯！ 小思子多謝大家用心睇我寫嘅blog！第5第6日嘅行程即將推出！
