對唔住大家，我睇番上一篇既文章，原來已經8月個月前=(由於大家3月開始都出唔到去，所以小編我都無咩貨可以分享比大家結果到左今個月，見到本地既各大酒店，都開始做D幾好既STAYCATION PLAN望落D PACKAGE又唔錯，於是同媽媽一齊去嘆下今次我地就揀左係黃埔碼頭隔離既九龍海逸君綽酒店佢既地理位置都唔錯架，附近有9號水產，仲有個AEON可以行下好啦，我地入正題啦先介紹下我BOOK既PACKAGE先適逢呢間酒店今年係開業第25年，推出左個優惠就係你房價幾多錢，酒店就會送番幾多錢既餐飲消費額比你係入住期間用佢分左平既$1250入住客房同$2500入住套房咁既然係全數回贈比我食左佢，咁我當然同媽媽住好D，揀套房 事不宜遲，我地去CHECK IN啦CHECK IN既時候只需要帶你既身份證就可以啦另外因為疫情關係，大家係入住前都要填番張健康申報表搞掂好就可以拎房卡 由於今次仕住既係套房，所以位於新翼個邊住客需要係20樓到轉乘另一部電梯大家一出電梯就會見到下面張相個指示 跟住佢就可以去到套房既樓層=)終於行到房門前 一打開門，就見到套房既客廳 嗯，都唔錯WO我地再升起個窗簾睇下個景有幾正 雖然只係城景，但由於黃埔既樓比較矮，所以望出去都覺得自己住得幾高再望番去餐檯上面，原來係入套房先送既紅酒一支 最貼心既係，支酒係扭蓋既，咁當日飲唔曬既話你都可以帶番屋企繼續飲之後我地當然再去睇下個房係點先啦 WAA，張房我諗無KING SIZE都有QUEEN SIZE兩個人一齊訓都唔會打交而房內既浴袍等等既用品都好一應俱全 睇完房，當然要睇埋個廁所啦 入到去都比到感覺我係好乾淨同光猛既套房既廁所都係乾濕分離有浴缸 雖然係細左D，但都好過無既另外仲有淋浴位 佢個花灑的確係幾夠力同夠熱，好一流睇完間房又係時候夠鐘落去用房價既餐飲消費額食第一餐我同媽媽去左Robatayaki 既爐端燒一坐低，就已經見到師傅好努力咁燒緊野食 我都坐得幾邊，所以可以全程睇到師傅既煮食方法，偷左唔少師本身同媽媽諗住叫單點，但又覺得因為試得唔多野同埋黎之前睇左攻略話佢有個SET可以叫所以我地就問職員拎個SET MENU睇睇唔記得左影比大家睇，不過我影左有咩食比大家睇黎啦先上左個刺身 再黎係餐前小食，燒雞泡魚乾 第一次食到唔係柴皮昸雞泡魚乾，超滾動京蔥雞肉串 師傅係上菜前會將竹籤拎走，等大家一夾就可以食了再黎就係全場我認為最好食既燒銀鱈魚 我諗舊魚燒左20分鐘，但食落去好似蒸出黎咁滑，真係無得輸再跟住就上左焗蘆筍 食完少少菜之後就跟住黎左D熱食，包括天婦羅同埋烏冬 估唔到個烏冬既份量都好多下堅係飽WO但原來最最最後係仲有份牛扒 廚師哥哥表示，呢種牛係食個牛味，所以會建議食生D即係5成左右就會食到最好味既FEEL話明呢個係SET，咁就當然有甜品比你收尾啦就係可以幫你解膩既柚子雪芭啦=) 寫呢篇野既時候再睇番都唔知點解食得曬，真係幾多野下成個SET承惠$800再加一我諗如果唔係黎STAYCATION既話，我都唔會捨得食佢真心推薦大家夜晚要食呢間餐廳佢其實仲有LUNCH SET，好似係$449咁上下係食完個咁豐富既晚餐之後，我同媽媽就沿住海旁散下步 而第2日我地訓到自然醒，梳洗好之後就落去用埋餘下既餐飲消費額去食左個LUNCH BUFFET 最驚喜既係比我地見到有長腳蟹同生蠔，勁新鮮!!!!週末LUNCH BUFFET每位係$438加一，仲可以由12點食到3點，慢慢食而係入住後，我收到佢地個PROMOTION EMAIL，原來佢地WEEKEND依家做緊下午茶BUFFET，折左之後只係2百幾，都算幾抵下大家不妨去試試佢多謝你地睇到呢到呀下次再分享其他既比大家啦!以下係酒店既資料:名稱: 九龍海逸君綽酒店地址: 香港九龍紅磡黃埔花園德豐街20號（港鐵黃埔站D2出口）電話: +852-2621-3188電郵: hgkln@harbourgrand.com 官方網頁 房價: HKD$1250起多謝大家睇左咁耐我講廢話想問多D既話歡迎用以下途徑搵我 Email: choitsz_wing@yahoo.com.hkFacebook: littlecongi分享地攤Line: ck6057Instagram: little_congi /congi_share
