由於同行既朋友同小編我一樣都係好熱愛日本文化既人 所以決定係嘆完一堆好正既酒店同單棟別墅之後 要搵番一間農泊既民宿體驗下 上次去左大分既杵築，今次日本既朋友就幫我地BOOK左位於國東入面既一間民宿 呢一間民宿既主打係佢地既蜜柑，因為佢地係山上有一塊好大既田 另外佢地可以提供一D體驗比入住既客人，好似剪柑仲收割下農田咁 事不宜遲，又係時候去片 雖然我地係用MAPCODE去定位民宿的地址 但始終係鄉郊地方，所以去到附近都要小心留意下牌 終於搵到下面呢個牌 先跟住個牌泊好架車先 有D手震，I am so sorry 停好車之後，我地就去附近搵下屋既主人係邊，同埋去確認一下民宿既位置 原來民宿就係上圖既右手邊，穿過一條小路就會見到 民宿 – 四季彩 同民宿夫婦確認好入住既資料之後，佢地就帶左我地去ROOM TOUR啦 一入門，就見到和式廳 跟住我地去左入屋最近既一個小形西式客廳 呢到同時都係第2朝食早餐既地方 我地係ROOM TOUR完左都係呢到同民宿夫婦傾左好耐偈 接落黎，我地去睇埋另一個和式既小客廳 我諗一般既香港人見到呢D得張茶几仔既地下好驚 因為好驚要盤腳坐 但原來由於小玉夫婦上左年紀，都唔係好盤坐到 所以檯下面係深左落去，對腳係可以放苟去，好似坐緊櫈咁架 呢到呢，同時都係食晚餐既地方黎架=) 然後，就去到我地當晚訓既地方 係入住呢種民宿，一般都會係訓地下既 呢一次都唔例外 其實呢到仲有另一間房可以比我地用 但因為我地我兩個人，所以無麻煩人地開多間房比我地用 至於洗手間同浴室呢，係好乾淨既 但由於我入住個日病到就死咁，所以…… 唔記我左影相比大家=( 另外因為呢到都係要5點前CHECK IN 所以，我地係食晚餐之前仲有段空閒既時間 於是民宿叔叔就叫我地一齊去摘蜜柑 我地上左佢架車 之後佢車左我地經過好窄既小路上山 過左大約5分鐘既上山路途，終於到左人地個柑田 叔叔比左個籃同我鉸剪我地 叫我地係下圖一望無際既柑田任剪 但由於我地當日只係去到旅程既一半，同埋又唔好意思剪人地咁多 所以只係剪左半打蜜柑帶走 臨走之前叔叔仲介紹左一下地勢 原來車後既係面向住大分機場同一大片既海 雖然唔係睇得好清楚但見到靚景都好開心 摘完柑番到去民宿仲係5點幾6點 又同叔叔吹左陣水 同時地，姨姨已經去左整晚餐 姨姨好客氣咁預先問左我地想食豚肉生姜燒定炸豬扒 我同團友都覺得生姜地道D，所以揀左佢 記時遲那時快 姨姨就話晚餐已經預備好 一望到，又係嘩左出黎 個餐仲豐富過係溫泉旅館到食 有右邊既鯛魚刺身 下面仲有個有蝦既蒸蛋 左上方又有日本傳統家庭料理，薯仔燉牛肉 不得不提既就係個碗飯 點解，因為係用左秋天限定既栗子煮飯 成碗飯飽左一倍 順帶一提，個飯係可以refill架 好正 姨姨係我地食完之後，仲倒左杯熱茶比我地消下滯 走之前仲同我地約好聽朝早餐既時間 姨姨收拾好碗碟之後就留低左一壺熱水同凍茶，等我地個晚口渴可以飲下 經過左一晚充足既休息之後 又到左第二朝食早餐既時候 好地道既一個早餐set 其實仲有碗飯，就係尋日我地食淨既栗子飯 唔洗浪費食物，我鐘意 最特別既野食我會推介方碟右上角橙色既配菜 我望落去就見到係我最唔鐘意既紅蘿蔔 但我一向係日本都係會咩都試下先 所以都夾左小小黎試下咩味 一試之下，發現個味好得意 同朋友試左好幾下之後就驚覺原來係加左卡樂B薯片入去所以有脆脆既口感 正 食完早餐之後 又到再比錢既環節 一泊兩食每人既價錢係9千yen 提番大家，佢地只係收現金 所以預約左既你地唔好放人飛機同埋帶備足夠既現金黎俾錢呀 PS: 民宿姨姨話佢學緊英文，所以可以用英文單字溝通 仲有，我地學識左個技能，唔明日文可以試用漢字，佢地有個小白板可以寫 同埋姨姨好追到潮流架，都幾鐘意ARASHI XD 最後，我比埋我所入住既民宿資料比大家 民宿: オレンジファーム小玉 電話: 0978-67-0539 地址: 国東市安岐町成久488-2 MAPCODE: 265172805*52 網頁 價錢: 每人9000YEN(一泊兩食) 多謝你地咁比心機睇完呢篇分享=) 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_store
