黎到第二集 我地就開始順序咁深入D睇下唔同既景點啦 首先要深入分享既係令我印象最深既農泊體驗 先簡介一下咩叫農泊先 所謂既農泊，就係入住日本當地農民既屋企 由農民家庭接待大家 等大家可以好貼地咁做個日本人 至於點樣先可以Book到呢種農泊體驗 我會係最後先同大家包膠 講番當日既流程先 因為大多既農泊民宿都係位於好鄉郊地方 所以我地約左民宿主人係附近既Lawson等 之後一齊揸車番民宿 由於小編我去到民宿既時候已經入夜 所以一去到人地屋企SETTLE好就要食晚飯 係食飯之前，就等我介紹下呢個接待家庭先 佢地呢個接待家庭叫大畑の家 負責人係竹尾先生同佢太太兩位 竹尾先生一家都係以農務為生 而竹尾先生仲有個興趣就係影相 係屋入面都充滿住佢既作品 係介紹住宿既環境之前，我地去食個晚餐先 一行到入飯廳，最吸睛既並唔係檯上滿滿的食物 而係下面呢個古色古香的炭爐 係屋入面燒炭可謂我人生第一次 佢稍後仲有個更勁既功用展示比大家睇下 介紹番D食物先 首先比大家望下個宏觀先 那一夜，我係個好正既被爐入面食左好多好野 第一樣要介紹比你地既就係餃子 睇住佢地由生煎到半熟，最後仲要加埋生粉水 成為左一餅好好食既煎餃 再黎係每人都有一塊既炸豬扒 豬扒望落無一般係街食到既咁厚身 相對的，佢充滿住家庭風 唔會太乾，十分入味 最重點既係，後面既配菜正正就係竹尾先生佢地所種植既蔬菜 每一種菜都好甜，好好味 再黎就係一堆野菜天婦羅 講緊既都仲係佢地所種既蔬菜黎 包括有蘿蔔，南瓜，黃椒，蔥頭等等 雖然佢唔係脆脆的天婦羅，但係 大家係會食得出竹尾太太係好用心咁炸每一件天婦羅比我地食 最最最重頭既係竹尾先生會用我一開始介紹既炭爐燒佢地種既菇比我地食呀 就係下面咁啦 慢火烘焙，用時間帶出菇既香味 燒到尾，再加上牛油同醬油調味 就成就左下圖咁好味既燒菇啦 真心勁好味，但太飽啦 所以都唔好意思叫竹尾先生再燒多隻比我地食 檯面上既野食當然唔止咁少啦，但係有D我唔記得左影 係晚餐過後，竹尾太太拎左一籃蜜柑比我地 人生又係第一次係被爐入面食柑 直頭係小丸子入面既情節咁 原來真係人生一大樂事黎 同埋我想講，個被爐真係好似有魔力咁 入左去，出唔番黎== 終於介紹完野食比大家 係時候到住宿既地方啦 呢到其實係得一間大房 就係好似下圖咁 但如果你地真係想個別一人一間房既話 中間既趟門都叫幫到你小小既 入住農泊家庭唔好諗住好豪華 因為人地一般既生活就係好僕素好原始 每人所分到既空間其實唔算好多 小小的，足夠使用就可以了 係走廊既位置，仲有一個小小既偏廳 可以坐落黎平靜下心境 而浴室呢，就係個廚房入面既 即係係個白色簾後面 一行到入去，就見到電視入面出現過既洗手台 右邊放著比大家使用既毛巾 同埋掛住左可以用既風筒 而佢地既浴室都係使用乾濕分離既 所以要再轉入去先見到以下既浴室 雖然浴室望落好舊，但佢地個廁所又離奇地先進XDD 洗手間同浴室係分開既 洗手間係比較近房間既，等大家去洗手間唔洗行咁遠 由於入住既個朝係搭一早既飛機到福岡 所以我地個晚10點幾就訓左LU 第2朝起身，梳洗過後見竹尾太太仲未預備好早餐 所以我就出左屋外影左幾張相比大家睇下 嗯，很傳統的感覺 屋外還有屬於他們的路牌 最重要既就係佢地所種既疏菜啦 點擊圖片放大 影完相入番去，就聞到好香既早餐味 入到飯廳，又見到好多野等緊我地食 早餐係好傳統既魚，蛋，湯同飯 老實講，小編係香港其實唔會揀白飯作為早餐 但唔知點解過到黎，朝早總係要食D米落肚先安樂 早餐過後，竹尾先生遞上了留言冊 我地亦有將自己既心意留低比佢地 收拾好行裝之後，我地亦都踏上第2日既行程=) 佢地屋企既介紹就講得7788啦 又係時候同大家講番如果想體驗下呢D農泊生活可以點樣搵 如果係大分縣既話，可以參考一下以下呢個網址: https://www.visit-oita.jp/green_tourisms/index 入面有唔同市比大家揀，揀好左既話大家可以SEND MAIL或者電話預約 而今次我地入住既就係臼杵市入面 相關既連結係呢到: http://www.kichi46gt.com/ 係連結入面按下面個掣 就可以睇到唔同既家庭有咩特色同民宿所在既位置 揀好左，就可以SEND個EMAIL去問下入宿既日子係咪有空房 佢地當局會即日回覆番你地EMAIL 等大家有個好D既預算 最後，我比埋我所入住既民宿資料比大家 民宿: 大畑の家 電話: 0974-32-3844 地址: 〒875-0203 大分県臼杵市野津町前河内3137 網址: https://info82958.wixsite.com/kichi46gt/single-post/2016/05/19/%E5%A4%A7%E7%95%91%E3%81%AE%E5%AE%B6 預約電郵: info@kichi46gt.com 價錢: 每人6800YEN(一泊兩食) 提提大家，如果要入住農泊家庭 可以睇定以下網址有咩要帶去: http://www.kichi46gt.com/nouhaku.html 另外，雖然佢地未必可以用英文同你溝通到 但佢地都好努力用GOOGLE TRANSLATE黎翻譯 希望你地可以了解多D佢地本土人既文化 PS如果大家入住竹尾夫婦既家庭 不妨帶定一D自己當地流通既貨幣同佢交換 竹尾先生會勁開心架=) 多謝你地咁比心機睇完呢篇分享=) 想番去睇下偽。本地人深度遊個總覽 可以 按此 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_store
