之前拖左大家咁耐….. 終於到介紹三日兩夜既郵輪之旅比大家啦 今次既文章係會分開兩部份既 因為都好似有好多野可以SHOW比大家睇 今日就先等我同大家睇下上船情況，房間情況同飲食先=) 黎啦喂 今次我地參加左週末3日遊，係啟德郵輪碼頭到上落船既 一般上船既時間都係星期5既晚上7-9點，而落船就係星期日早上8點左右 一開始我地就當然睇下上船前既情況啦 上船前大家要做左CHECK IN先 等待CHECK IN既同時可以睇下櫃檯既郵輪樓層平面圖 可以大概了解下船到有咩設施 CHECK IN完成之後 大家會好似我下面張圖咁 得到一張屬於自己既卡 呢張卡就等於你既電子銀包 上左船之後，所有既消費都係用佢黎比住錢先 到落船前去6樓既COUNTER CHECK OUT比番用左既錢就OK=) 當然啦佢同時都係我地既房卡 拎到張卡之後我地就過下海關 其實係怕你帶左危險品上船 過完海關就可以登船啦 抱歉喔 因為隔住左玻璃，所以畫質較差 入到船倉其實有一大堆歡迎既人係到唱歌跳舞 但小編我後面有好多人 所以唔好意思停低影相比大家睇 一入到船倉，其實已經有好多職員等緊幫我地搵我地既房間 上到樓，條走廊真係好長= = 行左一陣終於到左我地間房 當你入左房既時候，會有個樓層職員入黎話你知要注意既事項 佢講完之後我終於可以好好參觀一下間房 今次我地所住既係三人海景房 會係一張雙人床加一張梳化床 而雙人床每邊既床頭都有一個插頭同兩個USB頭比大家叉電架 相信頭先大家都見到床上有一份送既身體護理用品 放大比大家睇下先 原來係出自好勁既飛甩雞毛!!!!! 房入面其他既設施 電視啦，有戲比大家睇架，仲可以睇到船有咩活動呀，你自己張單幾錢咁樣 我印象好似係有TVB睇架 電視下仲有儲物空間同雪櫃 而檯既另一邊係咁既 張櫈仲可以當檯用，真係幾有諗頭 不得不提既就係檯面上放左WG既茶包 入面既野係免費飲用架 船倉每日黎執房既時候係可以幫大家補充一次架 又黎到大家好緊張既洗手間 登登登櫈 感覺上好乾淨，比起我10年前上郵輪既感覺真係好好多 淋浴間 呀，唔記得左仲有我地個小小露台 其實都真係好細XD 好啦，帶大家睇完房就當然要去醫下肚啦 話說呢條船每一日都包大家3餐既 每一餐大家都可以揀食中餐或西餐既 如果大家食到厭既話 都可以比錢去食下其他高級D既野 好似日本菜或者打下邊爐咁 講每日免費個個中餐同西餐先 先介紹下西餐，佢位於16樓既船尾 西餐係食自助餐既 去圖啦 首先有沙律 熱食有肉類，湯粉麵，中式小炒，壽司，印度野等等 因為大媽有D多，所以唔係影到好多比大家 仲有影到既係甜品 除左一般既野食之外，小編我有兩樣野想大家去食自助餐既時候一定要試既 第一樣就係佢地有部鮮製牛油機 每次大家要既時候先會切一舊比大家 乾淨又衛生 仲有一樣就係軟雪糕機啦 你地睇下阿伯都黎玩就知有幾吸引 佢既雪糕唔係好重奶味，幾好食 除左有雲尼拿之外，仲有好重口味既朱古力 大家睇下圖就知我點解咁講XD 雖然係有D重口味…但係佢個味係好過雲尼拿架=) 好啦，介紹完西餐就當然到中餐啦 咁中餐呢就係7樓既船頭 食之前要早少少去排隊，拎張飛 劃定位，飛仔上面僧話你知坐邊，幾點鐘有得食 夠鐘個陣拎住張飛入場搵位就OK=) 中餐係好似圍餐咁樣SET好左個MENU 坐低左就可以拎黎睇下今日食咩餸 雖然係簡體字，但張就下啦各位 睇左今日食D咩，又黎睇下個環境先 之後又睇下檯上既擺設先 好啦，重點黎啦，食物到啦 先係前菜 個樣都幾西式WO 再黎主菜，主菜個份量係睇大家幾多個人去食既 越多人就會越大碟 由於佢黎得太快，所以一張相過XD 小編我覺得佢個質量都唔錯架 最後仲有生果同糖水比大家食架 但小編我太飽，淨係要左生果 個樣好唔錯，但都唔係好有味道XDD 總括而高食物質素係OK既 但服務員個態度同面口就有D差LO 暫時介紹到呢到先 下一集再帶大家去睇下船上唔同既節目啦 想知多D問多D可以用下面途徑搵我啦: Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
