大家一聽到無菜單料理 (おまかせ) 都會覺得一定有魚生呀，壽司咁 好怕D師傅會整D你唔食既野比你試 如果有睇上一篇既朋友 都睇到我有3份1既野都係魚生黎 不過由於我媽媽係唔食魚生既 問左師傅話可以繼續ORDER個SET 唔食魚生既話個MENU就會唔同左 唔好以為唔俱魚生就唔食得呢個SET 廢話我就唔講咁多啦 我地黎睇下全熟既無菜單料理有咩唔同啦 呢D相會同上一輯唔同架 因為係分左兩日去食架 前菜依然係醃蘿蔔同水果沙律 另一款既前菜呢 就係 石班魚肚同石班魚籽 接受唔到既佢就會拎起個魚籽 去到魚生個PART呢 鑒於大家係唔食生既刺身 所以師傅即席火炙左個魚生 整熟佢 再用佢地包左個卷 再黎就係魚籽帶子茶碗蒸 師傅會先問會唔會食魚籽 如果唔食就會換成粒豆比你 今次既主菜係清蒸石班 今次拆肉比上一次易 但我就比較鐘意燒既味道=) 係食魚既途中 又有再有新鮮既炸蝦手卷 咁岩同行既朋友去左洗手間 我地話師傅整左可以放佢碟 但係師傅話咁樣既話 D紫菜會唔脆 所以好堅持要等佢番黎先整=) 再黎既主菜都係松梭豬 不過今日再唔係芝士 而係用左青醬(PESTO)黎整 青醬感覺上比芝士無咁膩 不過都好好味XD 依然都有既就係個湯 不過美中不足既係 今次食唔到個千層蛋糕 因為已經賣完左 甜品就換左做綠豆湯 清清涼涼 消暑一流 睇完以上既餐點 大家都唔會再怕唔食生野就唔敢去食無菜單料理啦 再次推介比大家 味留 丼 汐止店 店舖資料: 名稱: 味留 丼 汐止店 地址: 新北市 汐止區 新台五路二段 13號 1F 電話: 26432712 營業時間: 11:30 – 21:00 FACEBOOK: 味留 丼 汐止店 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
