自從屯赤隧道開通後,附近的一條臨海長廊因一排排的椰樹,充滿加洲風情的景緻而成為了新的打卡點,而且仲係欣賞日落嘅好地方!小妹趁長假約埋朋友入去朝聖。由於地點比較偏遠,還未有車直達,想去可以搭的士或者踩單車當郊遊。我地去到大約4點,太陽還未開始落山。係馬路右邊便見到一大片草地,再往前少少就是一排排椰樹,即是朝聖嘅地方。 椰樹後面是防波堤,好多人都坐係上面望海、聊天等,甚是寫意! 我地都坐係上面影下相等日落。藍天白雲加埋濾鏡真係好似去左外國咁! 等到成6點,終於見到日落,超靚!點擊圖片放大 +2 另外,馬路嘅左邊有一片白色牆,影相都好靚。 地點:屯門浩和街