早前去嘉頓山影相，諗住係深水埗覓食，見呢間工業cafe最近好似好受歡迎，貪新鮮嘅我梗係要黎試下佢。我地為免多人要等好耐，所以6點3左右已經到左cafe門口，可惜佢6點30分先開門，我地結果都係要等。不過佢個鐵閘都充滿工業風，我地等果陣都影左相打卡。下面是食完留影。入到去，會先經過有好多餐具擺設嘅位置先到進食區，如大家睇啱餐具應可直接購買。以下係我地叫嘅野食︰蒲燒鰻魚竹炭漢堡配薯條一見到原條蒲燒鰻魚就覺得好吸精，真係打卡之選。不過鰻魚味道過濃，令漢堡內其他配料味道被蓋過，有點失望。不過薯條反而有驚喜，有淡淡的檸檬清香。海膽忌廉汁蟹肉意大利飯見到呢個名令我對呢道菜抱有好高嘅期望，不過食落意大利飯好硬身，仲有啲粉咁，口感欠住。海膽忌廉汁好creamy，都可以。日式豬扒三文治豬扒超厚身，而且肉質嫩滑，不過要一啖咬落去有點困難...哈哈三文治味道偏淡。飲品方面，我地都叫左flat white, 咖啡味道好香，不過重點係個杯好靚！總體黎講，食物一般，要是拍照打卡還可以。Nomad
