依加大家飛唔到，都留係香港用心發挖香港嘅可愛之處 - 好玩好食嘅地方。等我同大家介紹下最近係觀塘發現嘅好味抵食餐廳。午餐 - Cobber Coffee and Tonys Pastry (份量十足的西餐)呢間餐廳位於觀塘工業區，係好熱門嘅餐廳，好彩我係餐廳開門之前去，要不然都要等好耐。佢鋪面都幾大，座位與座位中間都隔得開，坐得舒服。由於餐廳係用網上落單，所以一坐低，店員會遞上QR code。以下係我地落嘅野食︰焗肉醬意粉 ($88)只係因為男友好想食而叫，估唔到份量好多，應該夠2-3人食，而且好足料，肉醬同芝士鋪滿晒，啖啖都食到豐富肉醬同濃郁嘅芝士味，超讚！我地最後係食剩啲肉醬！明太子忌廉大蝦燉飯 ($148)之前有試過其他餐廳嘅明太子燉飯，不過普遍都偏鹹，所以落單果陣都猶了一會兒。不過因為朋友想試，我地都落左單。份量不用說，又係好大份，估計2個人食都一定夠飽。重要的是，一啲都唔會過鹹，明太子份量恰到好處，而且有忌廉，口感好creamy幼滑，好好食！另外我地仲落左小食同甜品，週末是要對自己好啲。鹹蛋黃薯條 這個真的很好食！每條薯條都沾了鹹蛋黃，入口起沙，超香!不過真的太多了，我地食唔晒......蒜香雞翼(六隻) $68第一下反應 - 好多蒜啊！食落真係啖啖蒜香。雞翼亦很多汁，不過炸粉略嫌厚左少少。榛子、朱古力、焦糖香蕉 梳乎厘班戟 ($119)由於我地無叫遲上，所以食食下，甜品就來了。梳乎厘班戟好香軟，不過稍欠一點空氣感。對比起其他野食，以這價錢來說有點貴。飲品（是很大杯的）大合照Cobber Coffee and Tonys Pastry
