琴晚收工，趁「快活谷啤酒節」第一晚，約朋友仔去湊熱鬧，順便醫下肚。「WOW！Happy Tuesday!」 可能係第一晚，人潮唔係好洶湧。酒過三巡，我地就去搵冷氣房嘆住邊睇賽事，邊開餐。Cathy訂左「The Gallery – 月貝凡」。開頭我同Jenny都覺得個名幾得意，不明就裡。Cathy一語道破：「亡口月貝凡，猜一字」，「哦，得喎個名」聰明小喵第一時間估到，唔知大家又估唔估到？ 小喵第一次來「The Gallery」，環境十分寬敞，感覺不會擠逼，很舒服。餐廳左右兩邊都有取餐區，非常方便。用餐最正既地方，當然係靠窗位，直撃馬場，睇住馬仔賽跑、衝刺！可惜我地遲左BOOK，不過，每張枱周圍都有小電視，一抬頭便睇到賽事。「The Gallery」屬馬會餐廳，少不了投注櫃枱，自動投注機等，方便玩家們。我呢D為吃貓，當然以食為主先。 「The Gallery」行地中海風味既Semi-buffet，有數款主菜提供，其他林林總總頭盤開胃菜，甜品等。款式不算是很多，但足以讓吃貨們大快朵頤。 頭盤，我要左幾塊醒胃既酸小黃瓜，青瓜等。吃住等主菜~ 主菜部份，以人頭計算點菜，係櫃枱點左後，便收到一個電子通知器，等主菜煮好，通知器便會發出震動及閃光，提示客人可去櫃枱取，都幾方便。 我叫左南瓜飯配上水牛芝士，一來到就聞到好香既芝士味。吃肉獸Jenny都話好味，不過就加多左一句「如果有肉就好了」。哈哈哈… 吃完主菜，剛好餐廳酒吧區附近開始一個遊戲 – 「估啤酒」。天生酒鬼既醉貓又點會放過有酒飲既時刻。同JENNY一齊出去玩，一齊捧住贏既三杯酒返位，哈哈，爽！ 原來，餐廰做緊98蚊三杯PROMO，好鬼抵！ 飲住啤酒，繼續用餐！ 生果甜品時候，YEAH! 女孩子們個個一盤二盤地返埋位，唔係一件兩件，你睇下我前後吃落肚既兩盤。遇到甜點，又點會只多一個胃出來！「The Gallery」既甜品，第一樣買相已吸引左我呢隻為吃貓和一群女伴。「德國芝士蛋糕」「法式朱古力蛋糕」「黑森林蛋糕」「熱情果蛋糕」「焗蘋果卷」等等，每樣都放落個胃！當然，口感最正既非「法式朱古力蛋糕」莫屬！我同CATHY至愛！JENNY就愛上左「焗蘋果卷」。靚女們果然都係識吃之人，哈哈哈！ 吃得飽飽地，行出露台，睇下馬場，吹吹風，唔洗同人逼，又鬼死咁寫意。唔知今晚啤酒競飲擂台邊個贏出呢? 9月25日，我又要挑戰！最好同老友鬼鬼班酒鬼們一齊參加隊制賽！哈哈，諗落都幾好笑！ 嘆埋杯哈根達斯雪榚，來一壺檸茶，消消滯！ 琴晚多謝美女們既陪伴，預約左大家9月25日再去，但我地今次要早D訂枱，坐靠近落地玻璃果一排，咁樣就可以一邊吃，一邊談笑風趣，一邊180度欣賞馬匹入閘、衝線的情況！到時甜品唔知又有無新驚喜呢? XP 9月25日當晚，「快活谷啤酒節」將有莊思敏(Jacquelin Ch'ng) & 傅嘉莉(Kelly Fu) 到場參與「快活谷啤酒節」的遊戲。大家到時見啦！ 最後十分感謝BlogDB 邀請小喵參加是次活動. THE GALLERY 月貝凡 Website : http://entertainment.hkjc.com/entertainment/go-racing/facilities/chinese/the-gallery.aspx 地點 : 跑馬地馬場公眾席三樓 營業時間 : 跑馬地夜馬：18:15 - 23:00 跑馬地日馬：12:15 - 18:00 (首場賽事前1小時至尾場賽事) 訂座電話 : 3690-3690 (24小時訂座服務) 收費 : 普通賽事: 每位HK$370起 特別賽事*:每位HK$470起 * 特別賽事包括國際騎師錦標賽(04/12/2013) 每張檯號及獨立廂房均設有最低消費。 衣著準則: 便服, 如: 西褲、牛仔長褲、T恤、運動套裝、工人長褲及運動鞋。 不符合衣著準則的服飾: 短褲、背心、涼鞋及拖鞋。 會方保留拒絕衣著不符合準則之會員或來賓進入廂房之權利。 此餐廳之座位安排會因應顧客需要而不時作出改動， 所以網上訂座服務並不設座位選 擇。 Welcome to visit : Y Blog , the Ztyle , Beauty Exchange , Fashion n Beauty , She.com , Shewin ,, Ubeauty , quooza, iMore, BlogSpot, ElleBlog, BlogDB Fans Page : https://www.facebook.com/kitlindacat Linda Cat e mail : kitty-yau@hotmail.com / bearpigcat4321@yahoo.com.hk
