由年頭決定結婚開始, 因為要開始拍婚照, 而且是一年內拍幾輯的關係(我男人拍照拍得有點怕怕了), 我就不間斷地燙染頭髮. 我係個種好怕係salon坐幾個鐘整頭髮既人,除左剪髮、電髮呢D我自己搞唔到, 必須要其他人幫我整之外, 染髮、焗油等等…我都會貪快、靚、正自己係屋企搞點. 但就因為唔係專業, 所以搞到D頭髮越來差, 依家成頭草咁. 而且髮尾好易打結, 頭髮脆弱容易折斷, 髮絲好似天線咁飛起. 但因為仲要影相既關係, 我唔可以剪晒D受損頭髮, 當我苦惱緊要點對付把”草”髮時, 剛好得到iMore既邀請，試用ADJUVANT的Re:>>>「電」「糖」營養洗護髮系列. 聽說ADJUVANT的頭髮用品好好用, 當我試過後, 真係不得了…我D頭髮有救啦. 先俾大家睇下我一連用左2個星期既效果, 有圖有真相先可以真實分享俾大家架嗎. ADJUVANT這個品牌出自日本, 而且所有美髮產品成分天然， 品牌主張用天然產品令秀髮和頭皮回復健康與美麗, 而價格相比市面大眾化的品牌略為昂貴. 而我今次試用既係Re:>>>「電」「糖」頭髮護理系列. ADJUVANT店舖位於iSQUARE- SHOP 504, 於5樓扶手電梯一上就見到, 好容易搵. 點擊圖片放大 +2 店內環境寬敞, 而且Staff很有禮貌, 每個客人入去都會全體人員同你打招呼. 日本公司就是這樣. 而且除左頭髮用品, 更有彩妝同護膚產品. 幫我分析頭髮既, 我稱為”禮貌小姐”吧. 首先幫我用頭髮測試機, 查看我頭髮同頭皮情況, 再按個人問題建議適合既頭髮產品. 頭髮健康狀況分為4級: 由最健康 0級至最差受損的3級 0級: 最健康的髮絲 ,見到一條直線的白色(蛋白質)髮芯, 頭髮會柔順有光澤 1級: 白色(蛋白質)髮芯呈現斷開的直線, 髮絲開始鬆散 2級: 髮芯呈現點狀, 差不多接近無. 髮絲受損, 會容易像天線飛起 3級: 嚴重受損頭髮, 髮芯不再看到有白色(蛋白質), 頭髮乾旱同缺乏彈性 測試結果, 我頭頂剛生出黎既頭髮係0級, 好健康. 但由耳仔至髮尾位置既頭髮已經傷晒, 禮貌小姐講已受損既秀髮係無得救返變成0級, 唯一可以做係選用合適頭髮用品, 保護頭髮不會再嚴重受損落去. 頭皮健康狀況: 再來用測試機放大200倍查看頭皮健康狀況. 一開始從Mon中看到自己既頭皮真係嚇一跳, 點解咁油架?! 我明明今朝先洗完頭架. 原來放大200倍見到有頭油係正常的, 無先要驚. 哈哈. 禮貌小姐話我頭皮好健康, 因為我頭油睇上去好似水狀, 唔會似豬油膏咁塞住毛囊. 另外, 正常健康每個頭囊係會生2、3條頭髮, 我大多數都係健康頭囊. 如果你個頭囊只係生1條, 咁就會好易有脫髮危機. 仲有, 一個頭囊生一條粗、一條幼既頭髮都係唔健康架. 幼個條會因為吸收唔到足夠營養而好容易脫落. 好彩我只係照到幾個頭囊有呢個問題. 跟住就發現我有頭皮屑, 但都係少數幾條黏住有. 禮貌小姐建議每日都要洗頭, 再加以適當按摩增加血液循環, 咁就可以減少頭皮屑同令到頭髮更健康. 之後禮貌小姐幫我揀選左防褪色修護系列(紫色). 滋潤頭髮之餘仲鎖住電染顏色. 右邊: 防褪色修護洗頭水 Platinum Shampoo HK$270/300ML 蘊含高效防褪色成分 修復及預防因染髮而引起的損傷 配方糅合向日葵種子提煉物，高效抗氧化及防褪色，以玉蜀黍蛋白質ZEIN形成「擬似頭皮表層保護膜」及高效鎖水—Pellicer，修護嚴重受損秀髮。 左邊: 防褪色修護霜 Platinum Treatment HK$ 340/250g 修護染髮後的秀髮 保持滋潤順滑 配方糅合BIS(C13-15 ALKOXY) PG-AMODIMETHICONE令染髮効果持久。 豐富角質蛋白及膠原蛋白補充毛髮內部營養，回復健康。植物固醇、辛基十二醇月、桂醯谷胺酸酯等，防止表皮層受損，充分保護秀髮。 防褪色修護洗頭水 Platinum Shampoo ADJUVANT的洗頭水不含任何化學起泡劑, 而感覺比較難起泡, 而且泡量不夠多. 又因為我頭髮比較長, 每次要用2個手掌大的分量先夠洗. 有時洗到髮尾時已經唔夠泡, 個人感覺唔夠泡就洗唔乾淨. 所以我有時會係髮尾再用少少洗頭水. 洗完頭, 沖水個下感覺到髮絲非常柔滑, 而且唔會”鞋”. 好似平時用左護髮素既感覺. 防褪色修護霜 Platinum Treatment 乳霜狀的Treatment, 只需要取適量再搽於頭上等5分鐘. 沖水時記住加以按摩. 我通常都係沖涼時一次過做晒洗頭、treatment同沖身. 唔洗淨洗頭再呆等5分鐘. 用後感覺髮絲順滑, 而且打結問題改善超多. 以前每日都要同頭髮打結糾纏, 但依家只係偶爾有打結問題. 仲有頭髮唔會好似天線咁周圍飛起, 我D頭髮終於有對腳慢慢垂直想著地啦. 哈哈~ 個人建議, 好似我呢種受損頭髮, 一星期最少用2次treatment效果比較明顯. 最後比大家重溫一下第1日同第14日頭髮對比. 如果唔睇返D相, 我真係唔知原來效果咁明顯. 雖然ADJUVANT的產品價格真係相對比較高, 但佢地會針對你的頭髮問題, 建議適當的產品俾你, 而且仲可以隨時去店舖做測試跟進情況. 如果合理既價格可以令頭髮同毛囊變得健康, 我覺得係值得投資.因為始終毛囊有問題, 日後可能會出現脫髮危機. 所以我都推介ADJUVANT的產品俾大家. *如果大家有興趣可以去: ADJUVANT 官網: http://www.adjuvant.com.hk/ ADJUVANT FACEBOOK: https://www.facebook.com/adjuvant.hk Shop details: ADJUVANT 肌の回復專門店 尖沙咀 iSQUARE 國際廣場 504 開放時間:12:00-21:00 Mon to Sun ************************************************************** 產品及資料由ADJUVANT及iMore提供 歡迎邀稿│合作試用│出席活動: 年糕 email: lincolefu@yahoo.com.hk 我的Blog: iTrail: http://itrial.hk/user/fufuchau Try it: http://www.tryit.hk/member_center.php?action=blog Beauty Exchange: http://www.beautyexchange.com.hk/blog/LINCOLEFU TheZtyle: http://lincolefu.theztyle.com Beautylife: http://www.beautylife.hk/?5610 Fashion & Beauty: http://www.fnb.hk/blog/33743 Ubeauty: https://blog.ulifestyle.com.hk/blogger/lincolefu/ Qooza Beauty: http://beauty.qooza.hk/u/LincoleFu/shares She.com: http://blog.she.com/lincolefu/ Instagram: http://instagram.com/Lincole_happy
