美髮油呀~美髮油呀~ 今次要同大家分享一下LUCIDO-L最新推出的產品 輕柔亮澤美髮油. 我係美髮油愛好者, 數一數屋企既護髮油產品, 足足有6支咁多. 講出黎都有D誇張.哈哈. 由年頭開始, 因為不間斷地要影婚紗相, 我就不斷燙染頭髮. 搞到以前擁有一頭秀麗頭髮既我, 依家淨返一堆草. 諗下都想喊..而最大問題係唔剪得D頭髮呀, 因為仲要影相. 所以由頭髮變差開始, 我除左留意洗髮用品之外, 就開始入手唔同既髮尾油(美髮油)去KEEP住保養頭髮, 儲下儲下就變到屋企越來越多. 今次就等我分享下呢支美髮油啦. LUCIDO-L 輕柔亮澤美髮油主要賣點是含有高壓處理過的 摩洛哥堅果油, 可以更有效滲透髮絲, 而不是只停留在表面. 另外特點: -防禦紫外線配方, 有效阻截紫外線, 使頭髮免受日光侵害,減少頭髮乾燥受損 -抗熱力配方, 免因吹髮而變得乾旱 -有淡淡的花香味 MADE IN JAPAN 樽身是以玻璃造的, 又以泵嘴式設計, 一貫護髮用品的簡單設計. *粗心大意的我, 有時真係好怕玻璃造的樽身. 因為好容易跌碎 包裝上更有4種使用方法建議: 包括 洗髮後、造型前、使用捲髮前同整理曲髮線條 見到我一頭像草既頭髮嗎?! 好旱、好乾. 而且經常打結同髮尾開叉 我通常會選擇洗髮後使用, 於頭髮半乾的狀態時用. 因為洗完頭的髮絲會隨住水份蒸發而流失更多水份及蛋白質變得乾燥, 所以於頭髮半乾時用, 可以有效流住水份, 形成保護膜減低乾旱. 原理就如我們平時護膚一樣,要有效發揮面霜的功效, 就是於面上爽膚水未乾時搽上保養產品, 咁皮膚先吸收到. 我的頭髮長度到胸, 每次將頭髮分兩邊, 每邊需要用3泵的分量 美髮油是透明油質, 有很淡的花香. 不是很假的味道 於手上搓開, 雖然是油質, 但質地不是”杰”的那種. *因為有一些美髮油是很油膩膩的質地, 未用已經覺得好油. 分左右兩邊搽呀搽…. 我一般只會搽係頭髮一半至髮尾的位置. 頭頂位置係絕對唔會搽, 因為好易令到個頭望落去好油, 好似無洗頭一樣. 另外會增加我出頭油的問題. 用完後, 髮尾的頭髮即時得到滋潤,而且有光澤. 頭髮 看上去不再是一堆草的感覺. 而且美髮油用後髮絲輕爽又不油. 不會令頭髮有負擔. 梳理時, 更有效減低打結的問題 我好認真地連續使用一星期, 結果是使用期間近髮尾的位置變得比較順滑, 而頭髮打結問題確係有減少. 但開叉問題卻得不到舒緩. 而當停用後, 頭髮又變回原本的狀態. 我覺得呢支美髮油似係SOS用品多D. 小貼示: 你會見到相中我用美髮油只會用係髮尾. 所以好容易頭頂乾燥同髮尾得到滋潤, 會有好似兩截色問題出現. 要避免呢個問題, 大家家中需要有支頭髮噴霧, 頭頂的髮絲都要記住保濕. 咁就唔會有兩截色架啦. ♥ LUCIDO-L 現於FB登記有輕柔亮澤美髮油試用裝(8ml)一份, 有興趣可以去玩下: https://www.facebook.com/LUCIDOL.HK/app_653319378122584 ♥ LUCIDO-L 官網facebook: https://www.facebook.com/LUCIDOL.HK?fref=ts ♥ LUCIDO-L 官網: https://www.lucido-l.hk/ ************************************************************** 產品及資料由品牌 LUCIDO-L 提供 歡迎邀稿│合作試用│出席活動: 年糕 email: lincolefu@yahoo.com.hk 我的Blog: iTrail: http://itrial.hk/user/fufuchau Try it: http://www.tryit.hk/member_center.php?action=blog Beauty Exchange: http://www.beautyexchange.com.hk/blog/LINCOLEFU TheZtyle: http://lincolefu.theztyle.com Beautylife: http://www.beautylife.hk/?5610 Fashion & Beauty: http://www.fnb.hk/blog/33743 Ubeauty: https://blog.ulifestyle.com.hk/blogger/lincolefu/ Qooza Beauty: http://beauty.qooza.hk/u/LincoleFu/shares She.com: http://blog.she.com/lincolefu/
