登、登、登！！！魚尾獅！！！ 最後一日先至做遊客嘅指定動作，就係去睇魚尾獅嗱！ 十月九日，星期三，傍晚去，啱啱好， 唔曬唔熱，仲有啲微風添！ 途中都有好多旅行團到此一遊， 不過，都唔太過逼人。 由New Bridge Road嗰頭，沿岸行起。 向另一邊望，就係MICA Building嗱！ 之後沿岸邊一路向前行。 沿途有好多食肆，以西餐為主，亦有中式海鮮。 去過嘅朋友一早就警告過我， 呢度嘅餐廳專做遊客生意，搶錢嘅指數十分高！ 然後就見到The Fullerton Hotel嗱！ 過橋到對岸，繼續行！ 陸續見到嗰大榴槤、摩天輪、大蓮花、大飛船， 當然仲有隻魚尾獅啦！
