Lilian今年很難得不用上班，因新工作８月才開始，所以決定去書展訂書（當然係為左訂書禮品而去啦），不過真係有少少失望囉！ 昨天太約11:45分到達，見往年COSMOPOLITIAN禮品唔錯，所以二話不說就行去果到啦！嘩！Ｄ人多到嚇死你（我相信超過一百人以上排隊，或者有二百人都唔出奇！），但係得２部收銀機，比錢就一條龍，拎禮品又係另外一條龍，Lilian最後要排左3HRS先訂到書及拎到禮品（即係3點先拎到），而且一路排又唔知有咩野可以換，一個人又唔行得開去望，又無人話你知仲有咩野無喎，要排到門口附近望下先知有咩野換（即係起碼排左2HRS先知)，我覺得ELLE做得比較好D，起碼間唔間中都會有人話比你知有咩野無啦！起碼心中有數轉咩野，而且今年ELLE禮品比較吸引，今年COSMOPOLITIAN無乜野簡，只係排左隊走又唔係，轉排ELLE又唔係既感覺，只係覺COSMOPOLITIAN今年做得好好好差囉。 講番禮品啦! 今年COSMOPOLITIAN自選禮品並不太吸引，而且另外一份神秘禮品更加不吸引，打開福袋更加想鬧人，一來太少SAMPLES，二來９成都係小包裝，得一支小樽裝SAMPLES，跟往年差太遠，如果有得再簡排邊條龍，我可以好肯定一定去排ELLE，一來訂書平些，二來２份禮品係由自選，三來SAMPLES比佢多囉。 左邊係自選，右邊係神秘禮品 福袋SAMPLES 見一場來到會展，再訂多一本JESSICA，因為唔洗點排，應該幾個字就搞掂，不過佢D自選禮品無分清楚邊D係1年訂戶 OR 2年訂戶，同埋可以簡邊D禮品，好亂，不過唔洗點等就可以接受，而當時4點鐘巳經無晒SAMPLES送，不過HKD160一年加禮品都係抵既。 最後好想訂ELLE，不過真係無力再企係到再排幾個鐘，所以最後決定放棄。
