去完漢陽大學 , 就受朋友所託 , 去一轉 LC 係韓國首爾江南區既旗艦店睇下有冇佢想要既野。 詳情可以睇番 LC (LE Creuset) 首爾旗艦店 (江南區) 咁上次都講到狎鷗亭羅德奧站 (K212) 出名名店區 呢個時間行到累 , 又係肚餓時間。 狎鷗亭羅德奧站既大堂坐坐先 , 呢個站既大堂有位比民眾坐 , 又有一個大廁所 , 仲有插座添。 去韓國出街唔記得帶尿袋 , 都要記得帶插頭。 講番名店區 , 即係食野都會好貴啦。 咁又唔一定既 , 中環都會有平野食既時候 , 狎鷗亭都係平民價錢食店。 呢間食店仲要 Gary 係 Running Man 推薦過既 : 하루春日日式炸豬排 諗諗下 , 韓國除左炸雞多 , 原來炸豬扒都唔少。 係地鐵大堂休息夠喇 , 就出發。 狎鷗亭羅德奧站 (K212) 6 號出口上 , 好好彩上地面係有電梯 , 但落去係冇 上到地面 , 就向前行 , 過左7仔個路口 , 再係下一個路口轉左。 轉左入呢條街就好多店鋪 shopping 既 , 小心行亂左。 一直向前行 , 沿左手面你會見到 Adidass , 呢間有三層高既 . 似乎係旗艦店 , 如果想搵 NMD , 可以黎呢度碰碰運氣。 過左 adidass , 係路口會見到 NBA , 對面係 Puma。 就係呢度再轉左 , 入呢個小巷 行前少少見到個門口喇 我地去到果陣岩岩滿座 , 要係門口等位 (排第三) 而亞豬媽就叫我地點菜先 , 咁我地就坐左係門口度睇下有咩食 係咪好驚呢 , 係咪要覺得搵定 google 呢 其實唔駛 , 因為可以問亞豬媽拎本 menu 對既 而我地叫左 “烏龍麵” (6500won) 同 “咖哩豬扒” (8000won) 點完之後就慢慢多人 , d 人自動自覺係左面 (箭咀位置) 咁我開始唔知點 , 以不變應萬變。 不過都要比 d 掌聲亞豬媽 , 係咁忙咁多人既情況下 , 都記得 d 人客黎到既先後次序 佢記得我地係跟住邊一組人客的 , 所以我地冇正式排到隊都可以按次序入去 講真 , 我地唔算打尖 , 但感覺有 d 唔好意思。 一入去 , 亞豬媽就已經係門口收左張紙 坐定定睇下周圍都好舒服。 前菜居然有腐皮壽司 主菜黎喇 , 豬扒係脆既 , 但唔算厚肉 , 感覺算普通 烏龍麵 , 個面鋪左滿滿既腐皮同茼萵 , 清清地 , 麵質都唔錯 其實都未係真係低食 , 上次係轉角食鳳雛都唔係貴 個個口味唔同啦。 --------------- 第九日待續 --------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!
