1. 準時
我早就知道你當日會鬧鐘唔響 / 手錶停咗 / 巴士遲咗黎 / 地鐵落錯站 / 的士司機兜路 / 你阿媽突然點點點...

2. 唔好著高踭鞋
新娘才是主角，高妹不能更高，矮妹需要更矮。

3. 小手袋選體積迷你，顏色與裙色相同
妳只需電話、信用卡、八達通、一百蚊和紙巾。將Gucci 同Chanel奶粉袋留在花車或放入新娘房。

4. 樂意接受髲型師和化妝師帶給你的驚喜
將心比己，我請人幫你化妝，都係想減低你嘅工作量，但係你西哂面，轉個頭又落Salon set頭，我會覺得好尷尬。不要太看重自己，也不要太睇小別人。

5. 兄弟們唔係奉指要幫你搬野
唔該講聲唔該，再交少少內心戲，隻手合十放在額頭上。

6. 新娘用十年友情只換你一天時間
新娘已經買起咗你今日嘅全部，包括你嘅笑容、談吐、脾氣，甚至係你戴緊嘅耳環同著緊隻絲襪。

7. 自拍守則
請勿以新娘化緊妝或set緊頭嘅背影作為自拍背景

8. 做丑人婉拒長輩的無理要求
你只會見賓客一天，但新娘還要見他們一輩子。幫手叫姨媽唔好再入黎新娘房去廁所/ 同姑姐講其實出面張梳化仲好坐 / 大伯你比返個襟花我先 / 死仔包你唔好再踢我個氫氣球

9. 當自己屋企就得
希望你明白「對自己人呼呼喝喝，對陌生人卻彬彬有禮」嘅道理，新娘大部分時間都當你係自己人。

10. 間歇性老人痴呆
今天發生的事不要記得太清楚，因為失意總比得意多。