岩岩個weekend天公造美，個天超藍，我地去左參加咖啡環保工作坊，教我地點善用咖啡渣，原來可以做吸濕包同做身體磨砂等等⋯ 呢個場地超正，每組參加者可以分配到一個帳篷既位置，夠晒社交距離，怕太晒仲可以躲係帳篷下抖下涼! 爸爸同婆婆好好心機製作吸濕包既同時，bb就係呢個時間去踏踏青，發現咖啡渣原來仲有一個用途架!! 就係可以要來玩messy play，呀B坐係大大既太陽下面自己玩左半個鐘，應該對佢黎講好新鮮。 呢到成個大草地（係真草草黎架）加無敵大海景真係超靚，媽媽係呢到影左200張相 好推薦比中意影相既大人小朋友，不過佢地做workshop有限人數既，同埋當日封左只比參與workshop既參加者，所以就算短暫除一除口罩影相都有足夠社交距離，最緊要係影相影唔到其他人丫嘛 連草地對面既位置，而家都放左聖誕裝飾，我地日抖影出黎既相都好似童話世界咁，夜晚應該仲靚，個海景真係冇得輸呀 真係好期待佢地再有同類型既工作坊/活動比大人細路一齊參加!
