J.S. PANCAKE CAFE 是日本時裝品牌Journal Standard 旗下的甜品咖啡專門店, 主打的pancake和現時流行的梳乎厘pancake唔同，並不是強調輕盈的空氣感，反而是走向傳統派表，但卻在傳統派表pancake中再進一步，做出充滿軟綿綿的高水準pancake。今次來到位於大阪天王寺Mio Mall內的分店，由於時間尚早，所以店內只有很少食客。這裡走的是悠閒簡約風格，很適合慢慢的用餐、靜靜的傾計。 點擊圖片放大 +4 這裡有提供早餐set、lunch set，還有期間限定的pancake（今次是南瓜pancake和栗子pancake )和分店限定的menu , lunch set的話可以＋250円，然後到沙律吧夾沙律。這裡的Pancake有甜有鹹，圖文並茂選擇都幾多，而且每一款都賣相吸引，令人流晒口水。 點擊圖片放大 +2 今次叫左2個早餐set和1個lunch set，早餐叫左Classic pancake（600Yen）和Eggs Benedict（800Yen），lunch set就叫左sweets pancake，三者都包左一杯飲品，所以叫左一杯latte同兩杯J.S.茶。J.S.茶是一款紅茶，味道香濃，可以任意自己加糖調校至適合自己的味道，很適合在甜甜的pancake中作一點消化的作用；至於Latte，奶味重咖啡味香，令人很醒神。 率先上枱嘅係Sweets pancake，賣相超吸睛！三層的pancakes疊起來，上層有士多啤梨醬、吉士醬、雲呢拿雪糕、一大球忌廉、開心果碎，還有很多新鮮的士多啤梨！成個pancake口感好豐富，有凍有熱有軟有脆有酸有甜，忌廉奶脂味香醇特出，pancake口感好柔軟，是平時傳統派pancake的upgrade版本，帶少少煙韌好好食，微酸的士多啤梨醬和甜甜的吉士醬、雪糕互相平衡，加埋開心果香濃的味道，食完令人超滿足！ 然後就食eggs benedict，一碟有2款，煙肉的比起火腿好食～水煮蛋一切開，成個蛋黃就傾瀉下來，連埋荷蘭醬一齊包住成個egg benedict，超yummy！中層又包住蕃茄、生菜和香脆惹口的煙肉，邪惡得來也很健康，最畫龍點睛的是底層的麵包底，和平時食到的benedict有點不同，佢這個充滿著麥香味，脆得來帶點煙韌又有點甜，個底勁好食！至於另一個benedict，相對地來得清一點，特別是菠菜的草青味，整體上唔夠煙肉好。 點擊圖片放大 至於有一款的classic pancake，係第一個食的pancake既平實版本，可以食到pancake原原本本的味道和口感，切開望望就可以見到幾鬆軟，食落充滿蛋香，加埋楓糖漿和牛油吃，又是和第一個吃到的是截然不同的感覺，兩者各有千秋。 整頓早餐都吃得令人很滿足，水準很高，三個餐加埋要2808円，平均一個餐要60幾蚊港紙，以早餐來說當然貴，但要在香港食這類高質素pancake可能仲貴，所以真係物超所值！食完覺得好食，有興趣嘅話，仲可以喺收銀處買返包cafe自家出的pancake粉返屋企慢慢煎添！ 推薦指數：★★★★☆ 抵吃指數：★★★☆ 地址：大阪府大阪市天王寺区悲田院町10-48 天王寺ミオプラザ館 2F 營業時間：10:00-21:00(Last Order 20:30) 網址：http://pancake.journal-standard.jp/ 「立」即去旅遊已經係Facebook開左專頁喇！ 歡迎大家去比個like丫！ https://www.facebook.com/lapstravel/ IG：lapstravel
