香港越來越多來自日本的抹茶過江龍店，人龍店之一的中村藤吉故然是抹茶迷不會放過的目標之一，但同樣位於尖沙咀的京都抹茶庵丸久小山園日本茶販売店其實也是不錯的選擇。丸久小山園在京都已經有300幾年的歷史，這間店並非由本店直接開，是由香港公司搵丸久小山園合作而開成的，之前經過的時候，因為人龍非常之長所以沒有光顧，但今次係晚餐時間黎到避開左人潮，所以可以直接有位入去試一試。 點擊圖片放大 門口外擺放住各式各樣的抹茶相關產品供人選購，當中有水晶糖、抹茶粉、蛋糕等大路野，亦有較特別的抹茶美顏皂，無論有沒有堂食都可以在此處買野。此外，店舖亦提供外賣，如果因為人多而唔想等的話，可以買走一邊行一邊食同飲。 點擊圖片放大 +2 成間店的面積比起在美麗華的中村藤吉細得多，座位得十幾個。而佢既menu亦同樣地比中村藤吉少野，不過芭菲、著名的蛋糕卷等係唔會缺少，係冇中村藤吉的鹹食。而今次只係叫左2樣野，分別就係抹茶芭菲和抹茶雪糕新地。 先講芭菲，最上層係抹茶軟雪糕、紅豆蓉和小丸子，佢既抹茶軟雪糕口感略帶煙韌，味道比起成日食既sweet house cha cha和中村藤吉偏抹茶味多點，亦比較苦一點，冇咁重奶味，對於不愛咁重奶味的抹茶迷會很喜愛；而紅豆蓉也不會死甜，幼滑得來又食到紅豆的粒粒口感；之後到抹茶蛋糕粒，口感鬆軟而抹茶味濃，再加上點了抹茶軟雪糕，變成了最好食的部份；然後是抹茶啫喱、忌廉、脆米，脆米不夠脆再加上因為上面抹茶雪糕冇溶落去，所以吃起來有點乾，下次應該用雪糕混合一下會好點；最底層是抹茶慕絲，超濃抹茶味。整體上較中村藤吉的芭菲較少甜一點，整杯也是以抹茶的甘苦為主導，抹茶迷摰愛。 之於另一款的抹茶雪糕新地，隨杯會附送兩塊抹茶曲奇，兩塊曲奇都幾甜，不過因為杯抹茶也是偏向苦味一點，所以反而帶出中和的作用，個人覺得佢既抹茶味比起sweet house cha cha杯抹茶沙冰更略勝一籌，再加上抹茶軟雪糕的煙韌口感，抹茶的滋味在口中完全大爆發，所以如果是抹茶迷的話，一定會喝到好開心！以後想食抹茶又多一個選擇了！ 推薦指數：★★★★ 抵吃指數：★★★ 地址：尖沙咀河內道18號K11 2樓211號舖 營業時間：星期一至四 12:30-22:00 五至六 12:00-23:00 日12:00-22:00 電話號碼：3468 2254
