新宿御苑附近有間好好味嘅沾麵店 好味到勁多日本人願意排隊等食！ 當日我就排左個幾鐘 建議唔餓得嘅買定少少野食住等啦！ 因為周圍都冇乜野食嘅～ 哩間五之神製作所以濃濃嘅蝦湯為賣點 一如日本其他拉麵店，都係要排隊個陣買定拉麵券，差唔多到你個陣會有店員黎收券嘅～ 特別之處係哩到店員會問你regular or small sizes 個人覺得女仔食small會好啲！因為真係大碗架！ 推介1*最出名嘅有海老蕃茄沾麵加蛋 哩個收卷個陣店員會問你要豬定雞 因為加左蛋，所以我揀左豬 注意返：豬肉並唔係叉燒，而係似豚角咁架 成個沾麵一端上黎好有日意fusion嘅感覺 因為麵上面有個羅勒打成嘅醬（青色個pat），又有舊法包伴住 羅勒醬個fresh增加左成個麵嘅新鮮感 而法包唔算好硬，點湯食又得！ 重點當然係個湯啦 濃濃嘅蝦加蕃茄作沾麵湯，味道感覺豐富 多左蕃茄嘅酸甜味，又冇搶到蝦個鮮味 推介2*海老沾麵全入（有叉燒有蛋） 對比起蕃茄海老沾麵，哩個個湯底明顯係更濃更蝦味！重口味人士必選！ 湯入面有荀，而叉燒嘅肥瘦都好適中！ 玉子唔洗多講，係勁開心嘅溏心蛋啦 記得係日本食沾麵要個湯成個飲晒先好走啊 五ノ神製作所 地址：東京都渋谷区千駄ヶ谷5-33-16 シャトレー新宿御苑第一 1F 電話：03-5379-0203 時間：11:00～21:00 想睇更多碎碎念遊記可以去我facebook : t.dordor
