［繼續越南峴港系列］ 沿住my khe beach 旁有很多海鮮檔,多到你唔信 好熱鬧 今次揀左間我相信在當地頗有名氣的海鮮檔 -Quan Be Man ，因為有9成都係當地人，正！ 環境好大，安排坐路邊，好有風味！然後出去揀海鮮再揀烹調方式（炒/蒸/燒），海鮮名有中文對照，而且員工英文不錯，溝通到。 最好食是蒸蜆 用大量金不換同香茅來烹調，仲要無食到一粒沙同幾乎粒粒厚肉，停唔到口，我食左幾乎半年蜆的份量，好毒不過好正！ 燒魔鬼魚都唔錯，燒蝦就好普通！其實仲有海鮮火鍋食，當地人幾乎一枱一窩！仲有炒通心菜食！去旅行少食菜,要盡食。 注意的是，一坐下便捧來幾碟小食（花生/脆餅），係要收錢ge，建議可以叫佢拎走！食海鮮最怕俾人握秤，但呢到好老實，叫咁多野都係食左70幾萬盾ja ，即是$200幾蚊港紙，仲會白紙黑字列明,所有價錢後面加3個0 地址：Quán Bé Mặn海鮮大牌檔 Address：13 Đường Hoàng Sa, Quận Sơn Trà TP Đà Nẵng 建議搭的士，因為當地場搭的士好平又易搭！當日我由會安搭過去大約400多萬盾！ -- 想知更多生品/旅遊品味, 可LIKE FB FANS PAGE https://www.facebook.com/laitravelaround/ "如不敢出來怎欣賞世上美麗"
