-第2篇- 韓國之濟州＋釜山 原本很期待的hea遊之旅 其實唔係好hea 不過就好似無咩做過咁～ 可能係因為我住的比較遠 同好失策咁無帶旅遊書...... 搞到悶個陣搵唔到去邊好~ 哈哈不過好彩有blog,ig,facebook...... 如果唔係都唔知去邊好...... 仲有好好彩嘅係 GoogleMap尼個App真係好強 因為無旅遊書嘅我地 要用地圖但因為濟州尼地雖然大 但好似無咩地標咁...... 搞到連搭咩巴士 都要用GoogleMap 仲有一個App都幾好嘅 佢係Naver Map(不過只有韓文) 但佢好準 好方便 顯示的巴士路線比較多~~ 所以我在首爾都有用^^ 因為實在太好用了 不過釜山都好少少的 因為起碼有地鐵~~ 好吧 入正題吧 第1個景點(濟州) 第1個要介紹嘅地方就係—彩色小學(애월초등학교 더럭분교) 真正嘅地址我係冇嫁 因為我係係instagram見到之search點去 由於我住係高內里(고내리) 所以去彩虹小學好快 原本諗住搭巴士 但因為等得太耐... 所以我就同我朋友轉搭的士 因為見好近 點知真係好近 好似跳1~2次錶炸LOL 去到真係好興奮 因為好靚 見到色彩繽紛嘅嘢就好開心架:) 好多韓國人都會去影靚相^^ 仲可以即刻轉下profile pic. 呀~~~ 個度仲有小學生玩嘅設施 都可以影下相 去尼度有幾樣嘢要留意~ 第1: 去尼度只有星期六日同公眾假期會開放 ! 第2:如果大家唔係住係高內里附近嘅就唔好搭的士:) 第3:哈哈最好早少少去 因為會一有好多情侶... 第2個景點(濟州) (此圖是在網上copy的....) 이호테우해변 尼個係一個沙灘尼嘅~ 不過點解我要介紹尼個呢 就係見到好可愛嘅馬形燈塔 睇相得紅色,其實仲有白色嘅 雖然好似冇咩特別 但我個人認為尼度影相幾靚 由其係黃昏日落個陣 我同朋友就係黃昏去到的 係尼張相有兩個人行緊個條石路係可以行出去影相的 但想行出去影相的人士有留意 尼條石路會有點兒滑 仲有好恐怖嘅水曱甴 不同大細都有...每行一步都有好多隻行過 雖然佢地係想避開我地,但真心恐怖~~~ 所以睇下大家有幾想影張靚相 我同我個frd就奮不顧身咁行落去... 我地個日就係好大霧,就影得唔係幾好... (LOL) 第3個景點(濟州) Monsant café(這就是GD開的cafe) 同 春日café 尼兩間cafe都好近 只要搵到春日cafe就會搵到Monsant cafe 佢地都係係涯月邑LOL 唉~有人亂入.... 兩間都係值得去嘅cafe 因為係有質素嘅coffee 加上好好景(因為係正海邊<3<3 ) 如果有時間有可以去下:) 轉眼間我地就飛去釜山 第1個景點(釜山) 太宗台(부산 영도구 전망로 24) 由釜山站(地鐵/KTX站) 出去巴士站搭 101號巴士 在태종대초등학교下車 就到 應該是總話來的 之後慢慢行上去 就會再有一個好似火車咁嘅車 要買票先可以搭的 大約韓幣4000 咁中途就有幾個站可以落車 去睇下風景 咁太宗寺就係最後一個站 哈哈點解要去太宗呢 因為6-9月係繡球花 之後個度就有勁多繡球花 大家有排影 我去個陣仲有好多未開);); 仲有好多位都好靚架 就留番俾大家自己去發掘啦 第2個景點(釜山) 甘川文化村 這個好多人都會去 好多人都知點去 我就唔多講嚕 大多數人都會係搭巴士 因為個度係半山位黎的 不過唔介意行嘅都可以行下上去 哈 我就唔係好見議 因為我覺得由上唔行返落去好似開心啲LOL 其實去尼啲村 我認為無特別嘅路線 因為亂行反而有意外驚喜 我去到係無特別咁話要點行 我係行去啲我想去影相嘅地方 同不停穿黎穿去 同我無同小王子影相 因為好多人同落雨 我帶好多位無放出黎 等大家自己發掘下 加上個日落雨 有好多本身好靚嘅都影得唔太靚... 希望大家唔會覺得等得太耐喇~~~~ 因為暑假都就完 不過好多人都係暑假完旅行~~ 哈我知我係慢左好多架喇~~~~ 因為我依加先打LOL 嘻嘻下次再見:P:P -完-
