一直都聽聞Laura Mercier既王牌產品-保濕primer同蜜粉好好用,所以係聖誕個陣,趁住有折扣就買左黎試下。但後來發現LM支Flawless Fusion Ultra-Long wear Foundation 都好多人推介,於是我就去左專櫃度試用,果然一試愛上。 今次見佢做緊特價set裝,終於忍唔住手買入喇。今次既特價Set只需$690,但就有6樣野,包括: 自選粉底 眼部遮瑕膏 保濕打底霜 30ml 迷你柔光透明蜜粉 3.5g 迷你天鵝粉撲 迷你柔焦定妝掃 粉底方面,我當然係揀左我支心水產品- Flawless Fusion Ultra-Long wear Foundation啦(o^^o)。而遮瑕膏就揀左2號色,除左用黎遮眼底,仲可以用黎遮面上既瑕疵,質地creamy易推。 今次既Set真係好抵呀!可以一次過試晒LM既王牌產品,有興趣既朋友可以去睇下~優惠去到2月28日。 最後,放張Full size同今次迷你版既對比圖,迷你版真係好可愛呀~