今次淘寶買左成十幾間鋪,哩篇blog就分享下買左D咩既收納品同小雜物啦~ 淘左咁多次寶，今次終於都買左想買好耐既亞克力收納盒喇~ 哩個盒係淘寶買， 只需41蚊人仔，容量都幾大下架， 而且盒頂上面有凹凸糟，可以將D盒疊高，唔驚會移位。 化妝棉收納盒 另一個買既係化妝棉收納盒， 哩個盒比想像中大呢～可以裝到幾多野下。 放滿野既兩個收納盒～容量好大呀！ 今次最主要要淘既就係哩塊鏡， 由於屋企個塊，成日企唔穩會跌，於是就趁機買埋哩塊鏡。 除左係一塊鏡，佢仲係一個收納盒， 可以裝一D小雜物，仲可以掛飾物呢～ 上次淘寶買既收納盒 既然分享開淘寶買既收納盒，就順便講埋上次買既收納盒啦～ 哩個裝到好多野既盒，只係十幾蚊， 將D常用既化妝品、護膚品放晒落去， 就唔使一支支放係枱面咁亂啦～（雖然我都係放到好亂，哈哈...） 手機殼係淘寶上可以話係平靚正～十幾廿蚊就有一個，而且款式好多， 我就揀左我最鐘意既愛麗絲，仲有好PINK好得意既蠟筆小新(o^^o) 最後，想分享既係哩個EMOJI貼紙^_^ 每款有4張～任痴都唔驚用晒xd 鐘意買貼紙既朋友，不妨試下係淘寶買黎玩下， 一樣係又平又多款～
