今日同平日唔同，今日既行程其實係一早安排左的。 我唯一一個一早決定好既景點---清水寺。 不過同平時一樣，我都係要睇下點去嫁..:D 其實本身如果由大阪要去清水寺的話，係應該搭鐵路去到丹波橋，再轉鐵路去京都，之後轉巴士的。 但係我......睇旅遊書睇一半唔睇一半...= = 我以為去到丹波橋就轉巴士.... 去到覺得好奇怪，點解個地方會靜到咁既...= =??? 不過環境又幾靚喎 正因為奇怪，所以我決定醫飽左我個肚先，之後先再諗點樣搵巴士 於是乎，由於我唔識得睇間壽司店係開門還是關門，所以我係唔小心撞左入間未開始營業既壽司店既:D 但係幸運地，老闆都肯做我生意:D 有型的壽司師父 用班蘭葉切成的蝦，還有真的班蘭葉的比較 (其實我都唔知係咪叫班蘭葉嫁，不過我見壽司師父用日文講班蘭，我諗應該係掛...) 好啦..宣傳就此完畢。 幾經波折終於去到清水寺啦 櫻花真係好靚... 其實今日成日都係依到附近到行，不過已經好滿足，京都既櫻花好鬼吸引人 最後行到落去圓山公園食件雞，飲啖酒，玩下自拍就完左今日了。 既然有人提出要求，咁我再另外插多幾張相啦 以上都係清水寺附近D櫻花樹 要講聲唔好意思，其實我對攝影無太大興趣，所以未能提供一流相片，而且，我比較喜歡眼睛看世界，所以其實我只係影左好少相...
