話說一個朝早，有個女人打電話問緊下星期出發機票，報完價OK咁就叫佢即日比錢，佢都話無問題，但再晏D就搵唔到人，當然都無比錢啦 第2日又一朝早，同事接到又係個女人打電話問緊同一日同一航班機票，又係報完價OK會比錢，但最後都係失蹤... 如是者第3日第4日佢再打上來，我忍唔住口問佢: 點解每次報完價你都話買，但又要第2日再問呢? 佢咁回答:我等緊簽証，應該呢幾日會批，咁咪問定搵平機票囉，最衰航空公司無得hold，咁咪搵你地hold住先囉，不過你地又貴過航空公司喎，簽証批左我都直接同航空公司買啦，今日幾錢呀? 我: 原來係咁，今日張機票做緊$XXXX 客: 咁貴既? 我上網航空公司個網check都唔駛咁貴啦 我: 咁你直接同航空公司訂啦，拜拜 #一開始就唔打算買，哂人時間 #唔比錢人賺仲叫人免費幫你做野，知唔知人地背後要做好多野? #玩電話另計~
