話說住在同一屋簷下嘅室友們 參加左8月最後一個星期日在Perth City 舉行的City to Surf 佢地好多都第一次參加 所以報左輕鬆少少嘅12km 跑唔郁嘅我雖然冇參加 但都出左去幫佢地打氣兼影相 City to Surf 其實就同香港嘅馬拉松差唔多 有認真挑戰自己跑全馬嘅人 有黎扮鬼扮馬嘅人 亦有志在參與 步行12km 嘅人 出得黎扮嘅 都好樂意對住鏡頭笑 果日嘅City 都大約15-16 度左右 好佩服呢班藍精靈咁樣上陣 室友準備開跑 我都去左搵個靚位準備影相 聽住大會嘅起跑到數 然後街上兩邊播出出發嘅音樂 樂隊ACDC 嘅一首歌 - Highway to Hell " Going down, party time, my friends are gonna be there too. I'm on the HIGHWAY TO HELL !!!!!!!!!! " 真係不得不佩服外國人嘅幽默感 響起點路上等室友經過 一邊響度影低有趣嘅妝扮 拎住公事包嘅兩個Office Boy 我相信響佢後面望住佢嘅人好容易跑到頭暈 起點附近見到嘅藍精靈 呢度發現佢地有地方冇上色 影完之後下一秒我伸隻手同佢地Hi Five 佢地d 顏色又真係唔易甩色 聽講過澳洲每年都會有同性戀嘅大遊行 等同性戀嘅人去爭取佢地嘅自由 好明顯佢地唔會只甘願用一年一次嘅遊行去爭取佢地嘅自由 途上仲有好多易服嘅人去爭取返佢地性取向嘅自由 見到室友經過後 就去左搭免費嘅shuttle bus 過終點 - City Beach 其實呢個City to Surf ~ 俾左一個機會大家大半日免費搭車嘅機會 由屋企出發, 到轉車上地鐵, 到City 坐shuttle bus 去City Beach, 再由City Beach 返City , 由City 返屋企咁多程車都係免費 最大原因都係因為所有Transportation都係公營機構 想要一個地方support到一個大型嘅體育活動 政府嘅角色其實可以好大 最後去到City Beach 睇住室友們陸續返到黎 一齊手疊手慶祝完成長跑 完成對自己嘅挑戰
