黎到澳洲工作假期 工作為先, 但也少不了假期 所以不會少得四處遊玩 我WH第一站嘅地方 - Perth 感覺上比起Melbourne或Sydney少很多玩樂嘅地方 但肯去下Visitor Centre 做下資料搜集 總會有一啲意外收獲 今次旅程冇乜特別計劃過 只係前一晚睇過下D Visitor Centre 拎返黎嘅資料 而第二朝一大朝早落大雨 曾經一度打消去玩嘅念頭 但響10點幾左右見到個天開始清 就5個人拿拿臨執好哂d 野出Perth City 租車 我地去左Hertz 呢間鋪去租左部SUV (租車Around $79 蚊, 第2日同樣時間打爆返油缸去還車就得~無限里數同No Liability, 撞左唔洗賠) 完成手續後 ~ 12點開始出發往Caversham Wildlife Park 1點就到左目的地 呢個Wildlife Park 要俾24蚊入場費 對於初到而搵得唔多嘅Backpacker 黎講真係有d 貴 但俾左果24蚊完全係值得嘅 入場後首先去參觀D鳥籠 呢隻雀嘅叫聲 同May姐嘅笑聲差唔多 (唔知May姐笑聲係點嘅自己search 一下) 途中仲有好多貓頭鷹同鸚鵡等等 不過鳥籠唔係我地一行人嘅目的 好快我地就去左玩我地最想玩嘅 袋鼠 ~ 響呢個區入面有至少50隻袋鼠響度 我地可以同佢地黎一個零距離嘅接觸 同時可以問員工拎飼料黎餵佢地食野 所以你見到佢地就好似相中咁 懶懶閒等食飯咁款 呢隻仲即場R個肚俾我地睇 睇佢幾Enjoy 零距離接觸 大約就係呢個距離 如果你夠膽嘅 仲可以同佢地咀對咀 我同行友人就試左一次 仲話澳洲嘅袋鼠竟然有法國人接吻嘅技巧 玩完袋鼠, 響園區入面仲有其他嘅Show 其中一個就係員工帶住唔同嘅動物出黎 俾大家除左響籠外參觀之外 可以更近距離去觸摸唔同嘅動物 呢個Show 完左之後就去左睇澳洲第2寶 樹熊 又係俾人好懶懶閒嘅感覺 而澳洲只係得返昆士蘭可以抱樹熊影相 所以呢度我地都只係可以用手背摸下樹熊 雖然如此 第一次見到樹熊大家都係好興奮下 之後園區內仲有個farm show 餵羊仔飲奶 剪羊毛等等 最後玩到接近4點先離開Wildlife Park 向第2個地點進發 - City Beach 一個最接近Perth City 嘅海灘 西方遠望印度洋 而到達時大約5點鐘接近日落嘅時間 加上有為數不少嘅雲令到個天更加特別 其實日落 唔一定要個天萬里無雲先好睇 影完一系列嘅Profile Pic, Cover Pic 之後 就去買外賣到我地最後一站 - Kings Park 食住薯條漢堡同雞睇Perth City 嘅夜景 等一日個天冇雲嘅時候 我會再上黎Kings Park 呢度 再影過一幅夜景 拎黎做Post Card 淨係計呢一日嘅洗費, 入場費加租車加入油錢, 每人都係44蚊澳紙左右 其實幾抵玩
