話咁快又完兩科，日前出左成績，總算係順利過渡，緊接落黎既Honour Project是個新挑戰，題目仍然在思考中，六月至八月雖然唔多洗返學，但要繼續努力做功課啊！轉眼間，Winning Team成員已經陸續完成Advanced Diploma課程，部份繼續升學，亦有同學仔選擇轉換工作，雖然大家各散東西，但仍然會互相交換情報。慶幸當中幾位同學仔的工作時間都比較Flexible，趁大家有課的日子，都可安排在返學前聚一聚，食番個Early Dinner，而我地既覓食版圖，已經擴展至灣仔一帶，校園生活應該是這樣的(哈~)！如果金鳳係鐵板扒類套餐(鼓油西餐)九龍區既代表，位於灣仔既波士頓就係香港區代表，某日不同Program同學仔收早相約Pre-school Dinner，就決定前來波士頓餐廳，食番個鐵板餐，重溫一下童年回憶。靠窗的卡位、甜餐包、忌廉湯、李派林喼汁，還有服務員白恤衫與黑背心的製服，都是滿滿的鼓油西餐情懷，鐵板餐上檯時大家隨即拉開餐紙，偷看著服務員為我們把燒汁淋上鐵板，發出「滋滋」的聲音很熟悉也很治癒，在下當日特意點了火焰牛柳，享受美食之餘又可以睇表演，都是有趣的體驗。波士頓餐廳地址：灣仔盧押道3號 選擇前往大王東街廣麵子吃麵，是源於同學仔的澳洲朋友，追隨其偶像Jimmy O Yang早前在香港的行程而拜訪的食店。初次到訪，來一客切腩四寶撈粗，賣相豐富十分討好，可以一次過試晒牛腩、牛丸、魚蛋魚片和雲吞，鼓油撈粗做得出色，麵條很爽沒有多餘的梘水味，湯很好喝，吃罷撈麵追加厚切鮮牛油多和同學仔開心Share，十分滿足的Pre-school dinner。廣麵子地址：灣仔大王東街2-4號地下 近日經常在各大Social Media出現的發達叉燒，原來在距離Campus不遠的灣仔蘭杜街，返學日在Office完成工作後，提早出發前往灣仔覓食，美食當前，不必相約，同場發現同學仔已經就座。店方在點餐後會送上一碗例湯，味道清甜亦有很多的紅蘿蔔，是日點餐叉燒燒鵝飯，半肥瘦的叉燒十分出色，難怪同學仔連續兩星期光顧。發達叉燒地址：灣仔蘭杜街麗都大廈 完Sem前最後一課係Group Call Adhoc Pre-school Dinner，最終有3位Winning Team成員參加，感謝班長建議同安排，用餐地點選擇在灣仔船街的一家特色餐廳食Fusion菜，三人前點選了四個菜，前菜香煎章魚鬚，配上Super food羽衣甘藍和香甜的Sauce很開胃，Main Course分別有21天熟成厚切豬扒、千層脆窩夫油封鴨脾和香菜青醬意粉，雖然每款食物的配菜相同，各自賣相都很精緻。美食相當不錯，只是同學飯局的相聚時間太短，期待下次Gathering要齊人啊！Flapship地址：灣仔船街35號號地下鋪 伸延閱讀跟住Study Buddy去返學40歲後留港Study Holiday - 得閒食飯40歲後留港Working Holiday
