自稱係Travel Buddies界既旅遊王子 – 史迪仔Stitch，今年到過越南和台南，趁Koala越南遊記埋尾，不讓”動物”專美，揀選左一系列Travel Buddies既旅遊照片，展示他們眼中的越南南部，又一次坐”霸王機”，住”霸王酒店”去旅行。 上次坐郵輪，今次就坐飛機，你隻Stitch夠晒架勢，跟在下Koala一樣，第二次踏足越南，但今次既目的地係南部的去胡志明市和發展中的旅遊城市美奈。這次到訪越南，還有另外兩位多次同行的Travel Buddies朋友，馬騮仔Monchhichi，同埋去到邊都著住套制服既御林軍(佢話尊重大會Wor…但我懷疑佢有精神病至真XDXDXD) 係Stitch既旅行生涯入面，跟很多香港人一樣，飛得最多係同為5.5次既”惡晒航空”和其姊妹公司”香港條龍”，這次更是Koala用積分換取的機票，呢個Trip真係夠晒”霸王”！ 到達胡志明市，頭6天包左架車，我地3隻Travel Buddies都有自己既專用座位，可以自由自在地在車上周圍坐… 在越南的第一餐，是Koala出發前安排好的法國午餐，橄欖麵包很好吃，而且是暖身的，前菜的芝士批很香，用料十足！ 下午3時多，正式開始參觀在胡志明市的旅遊景點統一宮，我們也找個涼快位置準備開會咯！ 4月的胡志明市天氣仍然很熱，在戶外活動不足兩小時已經汗流浹背，簡直想連層皮都剝埋落黎，要降溫，有辦法！感謝友人帶我們到檳城市場喝珍多冰，3隻飲4杯…係咪好勁？！ 酒店給住客的紀念品，正好岩我們頭形，所以這個晚上，Travel Buddies就入鄉隨俗，帶上了這頂越南傳統草帽，Stitch還帶了兩頂給Gumdrop the Koala和Ho Yee the Koala做手信(御林軍是帽中帽，哈！) 第二天參觀湄公河三角洲，一上岸就不停地吃，這個熱帶水果餐就最岩我口味，御林軍更High到要訓響度影相… 晚上在酒店附近閒逛，走到People’s Committee Building (City Hall)前來個Travel Buddies大合照 早安，胡志明市！在酒店房的早上望窗照是Koala的習慣，我們是被迫的… 今天參觀古芝地道，別人說要彎腰而行很辛苦，看我們Travel Buddies就沒有這個問題，地道對於我們來說簡直是暢通無阻，唔知我地會唔會係世界上第一隻走入地道既Stitch, Monchhichi和御林軍呢？ 係咪想掟我地落去？？？回頭是岸呀，Koala!!! 遠離胡志明市，我們來到美奈的渡假酒店的Cottage小住兩晚，來個身心啟滌之旅 玩到攰，先來一個Open Air Massage鬆一鬆… Massage完又可躺在泳池邊曬太陽，Travel Buddies: Long Island Iced Tea唔該！ 唔知Fairy Spring神仙泉係咪曾經有神仙到過？這裡似曾相識，究竟呢度係火星，定係我家鄉Turo星球？！ 站在美麗的美奈706公路，面對著南中國海，世界之大，Travel Buddies很渺小 告別了海邊的Cottage，又要回到胡志明市，再玩多晚就返香港啦！唔捨得，我地可唔可以唔走呀… 最後一夜，手信相片本是指定動作，但是次大晒冷在檯上，全部都是樹懶和海瀨的戰利品，而Koala因為唔想再執番D野出黎(懶就懶啦~)，所以無做呢個橫節… Day 07回港日，我地決定和乘早機離開的阿Sir食埋早餐才分別，這裡的早餐也不錯！但我Stitch跟Koala一樣，比較喜歡Caravelle Hotel的多一點 是高興快要回港，還是難捨7天的越南假期？Travel Buddies跟”動物”們一樣喜歡旅行，唔知下次又幾時再相約出發… Stitch goes Travel 14 – HCMC + Mui Ne, Vietnam (Photo Album @ Facebook) https://www.facebook.com/media/set/?set=a.10151578675132709.1073741833.718047708&type=1&l=6d0464acf0
