本文純屬個人發洩，請勿代入其他人，只限hea睇!!! 黃子華話齋"世界好簡單 人類好複雜", 無論關係有幾密不可分, 一樣可以唔知大家諗緊乜L. 細個嘅時候, 開心就笑到kaka聲; 唔開心就喊到豬頭咁. 究竟對上嗰次由心笑出嚟, 係幾時? 點解大個咗之後, 唔開心會變得咁易? 但其他嘢就難咗N倍. 點解大個咗之後, 無論自己有幾down都好, 一對住人, 微笑都會自動出現. 如果錢都會自動出現咁就好喇! 點解唔開心仲要笑? 點解唔開心仲要講I'm good? 唔係懶係要抑鬱, 係因為知道大部分人都don't give a shit. 為免俾人兜口兜面掟舊shit埋嚟, 都係算吧啦. 有時一句"你冇嘢吖嘛", 可能係關心, 但亦可能只係問吓, 人哋口痕講吓嘢姐, 可必認真. 當初我婚姻發生問題嘅時候, 就有個八婆周圍問我D嘢, 一見到可能知我發生咩事嘅人就會問, 就算人哋話唔知, 八婆仍然無限loop. 直到有一日佢終於忍唔住, 走嚟問"你冇嘢吖嘛, 你瘦咗好多呀 " 當佢講緊嘢嘅同時, 我喺佢塊面見到雀躍, 興奮, 對眼發光, 彷佛有D咩好嘢即將發生咁. 為免自己忍唔住一嘢中落佢到, 我望去第二度, 然後答我ok吖. 但佢仍然唔死心, 企喺我隔離望住我. 真心唔明, 你要偽關心的話, 要練好D表情先得㗎, 唔付出就想收料, 你醒未呀? 你話吖, 人類係咪好複雜吖!? 唔關事嘅就叉隻腳埋嚟, 關事嘅就A字膊. 當有人問"你冇嘢吖嘛", 我應該認真定hea答呢? 有時真係唔想咁小心眼, 但賴嘢賴得多, 真心怕怕. 你以為阿邊個係真心關心你, 但當你盡訴心中情之後, 佢就是非當人情, 加鹽加醋周街派. 地球真係好危險呀!!! https://www.youtube.com/watch?v=UdpnYZG8wlI By the way, 八婆叫阿May.
